Juan 16:2 - Porciones del Nuevo Testamento

² De zhi jʉrebadata nʉme maẽ marã edꞌa wãbidꞌa ẽbaya, ewarita zeya bariduba marã beabʉrʉdꞌera krĩchaita Daizezeba krĩñata obʉrʉta.

Juan 16:2 Kruisverwysings

Mateo 10:28

Wawiarãũdua kꞌakua bea bꞌeta, maʉ̃rãbara jawurera bea bꞌedꞌa ẽã. Awuarabʉrʉ Daizezeta wawiaudua, izhara jawureta kꞌakuata zuburiabi bꞌeya tebʉdꞌe.

Mateo 24:9

Marã chãbꞌaridꞌaya zuburia odꞌamarẽã, aramaʉ̃ne beakuadꞌaya, marã jõmaʉ̃ba juradꞌaya mʉ kꞌarea.

Lucas 6:22

Sobiaudua zhãrãba marã ũduama edabʉdadꞌera, ãzhi maẽba jʉretabʉdadꞌera, ikꞌazhirua jarabʉdadꞌera, marã bia ẽkĩrãkꞌa seribidꞌa ẽãnerã mʉ Beubari Bape bꞌʉ kꞌarea.

Juan 12:42

Isaíaba mawũã jarasimina judíorãta nokꞌorãbara bioba ĩjãsidꞌa Jesúsdꞌebema. Mawũãmina ĩjã bꞌea adꞌa ẽbasia wawia bꞌeba fariseorãta, aramaʉ̃ne edꞌa wãbi ẽã nʉmʉna ẽbamarẽã de zhi jʉrebada maẽ.

Juan 16:25

Maʉ̃ mʉãrã ne jarakꞌa jarabʉrʉa. Ewarita zeya mʉã jarabʉrʉra ne jarakꞌa jara ẽãta, awuarabʉrʉ marãã jipa jaraya mʉ Zezedꞌebemata.

Juan 16:32

Ewarita arabaidꞌebema ya arabasia, mawũẽ marã abꞌa abꞌakꞌa wãẽbadꞌaya mazhi wãbʉrʉma, aramaʉ̃ne mʉrã ãmaẽnaña dobꞌa. Mawũãmina mʉrã dobꞌa bꞌʉ ẽã mʉ Zezeta bꞌʉba mʉ ũme.

Juan 4:21

Mawũãĩ Jesúsbara mawũãsia: Mʉã za jaraita ĩjãrũã, ewarita zeya, maʉ̃nerã marãbara naʉ̃ kꞌatumane miã Jerusalénne ibia jaradꞌa ẽã Daizezera.

Juan 4:23

Mawũãmina ewarita zeya, maʉ̃ ewarira ya arabasia, mawũẽ Daizeze wãrĩnu ibia jara bꞌebara Jawurebiadꞌeba wãrĩnu ibia jaradꞌaya, Daizezebara krĩña bꞌʉa izhira mawũã ibia jaradꞌaita.

Juan 9:22

Zhibarirãbara mawũãsidꞌa judíorãta wawia panʉba, maʉ̃ẽnabemata judíorã ya krĩcha abꞌarika zekuasia Jesús zhãrã Ẽdrʉbia abʉrʉra de zhi jʉrebada maẽ edꞌa wãbidꞌa ẽbaita.

Juan 9:34

Mawũãĩ panaʉ̃ mawũãsidꞌa: Bʉra jipadꞌe kꞌazhiruadꞌe tosia. ¿Maʉ̃ta bʉabʉrʉ ũrãgꞌaika daita? Mawũãnape jarasidꞌa de zhi jʉrebada maẽ wueta edꞌa wã ẽbamarẽã.

Hechos 5:33

Ãzhara maʉ̃ta ũrĩnape kĩrũbiba jarirã bea krĩñasidꞌa.

Hechos 7:56

Mawũẽ mawũãsia: Mʉãrã ũdu kꞌobꞌʉa bãjã ewa nʉmʉta, ũdu kꞌobꞌʉa Beubari Bape bꞌadꞌara kꞌobꞌʉta Daizeze juwua araare.