Juan 16:19 - Porciones del Nuevo Testamento

¹⁹ Jesúsbara kꞌawuasia widꞌi krĩña kꞌobꞌeta, mawũẽ mawũãsia: ¿Marãbara mazhirãĩnu widꞌi kꞌobꞌe ẽka mʉã mawũãnata: Dããrã ẽãne marãbara mʉrã ũdudꞌa ẽbaya, mawũãmina dããrã ẽãne mʉrã wakusa ũdudꞌaya?

Juan 16:19 Kruisverwysings

Mateo 6:8

Marãbara orãũdua ãzhidꞌe kĩrãkꞌara, marã Zezebara kꞌawua bꞌʉ baera marãba kꞌãrẽ nesidꞌa bꞌera, marãba kꞌãrẽ widꞌidꞌai nawedꞌa.

Mateo 9:4

Jesúsbara ãzhi krĩchara kꞌawuape mawũãsia: ¿Kꞌãrẽã bĩ ẽã krĩcha kꞌobꞌe marã sodꞌera?

Marcos 9:32

Maʉ̃ta jarabʉrʉra ãzhara sãwũãta kꞌawuadꞌa ẽãta perasidꞌa widꞌidꞌaita.

Juan 13:33

Warrarã, mʉrã marã bawara kꞌobꞌaya aritiaedꞌa. Marãbara mʉrã jʉrʉdꞌaya, mawũãmina judíorãã mʉã jaradꞌa kĩrãkꞌa mʉã marãã jaraya: Mʉ wãĩma marã wã bꞌedꞌa ẽã.

Juan 14:19

Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Juan 16:16

Dããrã ẽãne marãbara mʉrã ũdudꞌa ẽbaya, mawũãmina dããrã ẽãne mʉrã wakusa ũdudꞌaya mʉrã wãĩ baera mʉ Zezema.

Juan 16:18

¿Kꞌãrẽta jara krĩñabʉrʉ mawũã dããrã ẽãne abʉrʉbara? Sãwũãta kꞌawuadꞌa ẽã izha jarabʉrʉra.

Juan 16:23

Maʉ̃ ewadera marãbara mʉãã widꞌidꞌa ẽã miã kꞌãrẽta. Mʉã wãrĩnu marãã jaraya, jõma kꞌãrẽ mʉ Zezea mʉneba widꞌibʉdara izha marãã diaya.

Juan 16:26

Maʉ̃ ewadera marãbara mʉneba kꞌãrẽ widꞌidꞌaya. Maʉ̃bara mʉãrã jara kꞌobꞌʉ ẽã mʉta mʉ Zezea zuburia bedꞌeaita marãbari.

Juan 16:30

Idꞌibʉrʉ daibara kꞌawuabʉda bʉara ne jõma kꞌawua bꞌʉta, mawũẽ miõba kꞌãrẽ widꞌidꞌaira nesidꞌa ẽã, kꞌãʉ̃ba daibara ĩjã bꞌea bʉra zesita Daizeze maẽba.

Juan 21:17

Jarama ũbeata mawũãsia: Simón Jonás warra, ¿bʉa mʉrã kʉãgꞌakꞌa? Pedrora sopuasia mawũã jarama ũbea, ¿bʉa mʉrã kʉãgꞌakꞌa abʉrʉba? Mawũẽ mawũãsia: Nokꞌó bʉara jõma kꞌawua bꞌʉa. Bʉa kꞌawua bꞌʉa mʉã bʉra kʉãgꞌata. Mawũãĩ Jesúsbara mawũãsia: Jʉredua mʉ pẽwã bꞌeta.

Juan 6:61

Jesúsbara kꞌawuasia izhi pẽwã bꞌe mawũã bĩ ẽã bedꞌea kꞌobꞌera, mawũẽ mawũãsia: ¿Maʉ̃ bedꞌeabara marã bĩ ẽãbʉdakꞌa?

Juan 7:33

Mawũẽ Jesúsbara mawũãsia: Mʉrã wadꞌi ewari kꞌakutua marã bawara bꞌape wãña mʉ zokꞌadꞌama.