Juan 15:5 - Porciones del Nuevo Testamento

⁵ Mʉrã uva kꞌarra, waya marãta zhi jʉ̃kꞌara. Mʉ ũme bꞌʉra mʉrã izhidꞌe bꞌʉba maʉ̃bara Daizezeba krĩñata bio oya. Mʉ ũme duanu ẽbʉrʉ miã kꞌãrẽta obꞌedꞌa ẽã.

Juan 15:5 Kruisverwysings

Mateo 13:21

Mawũãmina bia kꞌarra jida ẽãba dããrã zrogꞌa ẽã, mawũẽ zuburiabʉrʉdꞌera, o Daizeze bedꞌeata ĩjã bꞌʉ kꞌarea zuburia obʉdadꞌera ĩjã ẽã kenabꞌari bꞌʉa.

Juan 12:24

Mʉã wãrĩnu marãã jaraya, trigo ta egorodꞌe ubudata pãwãrãĩta beu ẽbʉrʉ abꞌabai bꞌaya, mawũãmina pãwãrãĩta beura, waripe bio zauya.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Juan 5:19

Maʉ̃ kꞌarea Jesúsbara mawũãsia: Mʉã wãrĩnu marãã jaraya: Mʉ zhi Warrabara mʉzhikusaubara miã kꞌãrẽta obꞌe ẽã, awuarabʉrʉ mʉ Zezeba obʉrʉta ũdubʉrʉta obꞌʉa, aramaʉ̃ne jõma mʉ Zezeba obꞌʉra mʉ zhi Warrabidꞌa obꞌʉa.

Juan 9:33

Naʉ̃ta Daizezedꞌeba ze ẽbasibʉrʉ miã kꞌãrẽta obꞌe ẽbakꞌausia.

Hechos 4:12

Awʉrʉdꞌebara ẽdrʉ ẽã, naʉ̃ ẽjũãnerã awʉrʉrã ne ẽã Daizezeba zhãrã bꞌea diadꞌara dazhirã maʉ̃neba ẽdrʉdꞌaira.

Romanos 12:5

Dazhirãta aramaʉ̃ kĩrãkꞌa bꞌeta biota kꞌakua abꞌa bꞌea Cristodꞌeba, aramaʉ̃ne jõma zhiya abꞌaʉdꞌebemata bꞌea.

Romanos 6:22

Mawũãmina idꞌidꞌera kꞌazhiruadꞌebara ẽdrʉdꞌape Daizeze nezokꞌata bꞌeba izhiita nʉmeã, mawũẽ izhi ũme bꞌai jõ ẽã bꞌeaya.

Romanos 7:4

Mebẽrã, marã aramaʉ̃ kĩrãkꞌa Moisé ũrãgꞌaitara ya beusidꞌa Cristota beudꞌadꞌeba. Aramaʉ̃ne awʉrʉdꞌeta bꞌeta Cristo beudꞌata piradrʉdꞌadꞌeta bꞌeba biata odꞌaya Daizezeita.