Juan 15:4 - Porciones del Nuevo Testamento

⁴ Mʉ ũme bꞌeaudua, mobedꞌeba mʉrã marãne bꞌʉa. Uva jʉ̃kꞌara izhikusara zau ẽã zhi kꞌarra maẽba nʉmʉ ẽbʉrʉ, aramaʉ̃ kĩrãkꞌa marãbara Daizezeba krĩñarã obꞌedꞌa ẽã mʉ ũme duanu ẽbʉrʉ.

Juan 15:4 Kruisverwysings

Mateo 12:33

Bakuruta biabara zhi tara biata zau bꞌʉa, bakuruta bia ẽãbara zhi tara bia ẽãta zau bꞌʉa. Mawũẽ bakurura zhi tadꞌeba ũdukꞌawa panʉã.

Lucas 8:15

Mawũãmina ne ta pobʉrʉdꞌe egoro biadꞌe bꞌaedꞌara sobiadꞌe kĩrãẽpa Daizeze bedꞌeata ãzha ũrĩnane bꞌeta maʉ̃ã, aramaʉ̃ne eaba duane bꞌʉa baridua.

Juan 14:20

Mawũã ũdubʉda ewadera marãbara kꞌawuadꞌaya mʉrã mʉ Zezedꞌe bꞌʉta, marãta mʉne bꞌeta, mʉta marãne bꞌʉta.

Juan 17:23

Mʉta ãzhidꞌe bꞌʉa, bʉta mʉne bꞌʉa, aramaʉ̃ne jipadꞌe ãba bꞌea. Kꞌãwũãrã ẽjũãne bꞌebara kꞌawuadꞌaya mʉrã bʉa zokꞌadꞌata, kꞌawuadꞌaya mʉnebemata bꞌera bʉara kʉãgꞌata mʉta kʉãgꞌa kĩrãkꞌa.

Juan 6:56

Mʉ zharata kꞌo bꞌʉra mʉ wata do bꞌʉra mʉne bꞌʉa, mʉrã izhidꞌe bꞌʉa.

Juan 8:31

Mobebʉrʉ Jesúsbara judíorã izhidꞌebema ĩjãbʉdaa mawũãsia: Marãba mʉ bedꞌeata aribꞌae bꞌebʉrʉ wãrĩnu mʉta pẽwã bꞌea.

Hechos 11:23

Maʉ̃ta jũẽbʉrʉdꞌera ũdusia Daizezeba izhi biaba bia edakuata, mawũẽ sobiape jõmaʉ̃ã jarasia soidꞌu bꞌeamarẽã Daizeze ũme.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.