Juan 15:21 - Porciones del Nuevo Testamento

²¹ Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.

Juan 15:21 Kruisverwysings

Mateo 10:18

Nokꞌorã kĩrãbita, reyrã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya, judíorã ẽãta bꞌeabidꞌa jaradꞌaya.

Mateo 10:22

Jõmaʉ̃ba marã juradꞌaya mʉ kꞌarea, mawũãmina mʉta pẽwã zuburiata jõñiĩnu nʉmʉrã ẽdrʉya.

Mateo 10:39

Mʉ kꞌarea beu ẽãrã aduaya, mawũãmina mʉ kꞌarea beubʉrʉra ẽdrʉya.

Mateo 24:9

Marã chãbꞌaridꞌaya zuburia odꞌamarẽã, aramaʉ̃ne beakuadꞌaya, marã jõmaʉ̃ba juradꞌaya mʉ kꞌarea.

Mateo 5:11

Sobiaudua mʉ kꞌarea ikꞌazhirua jarabʉdadꞌera, zuburia obʉdadꞌera, nekĩrãtõnoã bĩ ẽã jarabʉdadꞌera sewa nebʉrʉ.

Marcos 13:13

Jõmaʉ̃ba marã juradꞌaya mʉ kꞌarea, mawũãmina mʉta pẽwã zuburiata jõñiĩnu nʉmʉrã ẽdrʉya.

Lucas 21:12

Mawũãmina maʉ̃ jõmaʉ̃ nawedꞌa marã jidakuadꞌaya, marã zuburia odꞌai kꞌarea pẽwãnaña. Marã chãbꞌaridꞌaya de zhi jʉrebadata nʉme maẽ, cárcel nʉme maẽ. Marã ededꞌaya reyrã kĩrãbita, nokꞌorã kĩrãbita mʉ kꞌarea.

Lucas 21:17

Jõmaʉ̃ba marã juradꞌaya mʉ kꞌarea.

Lucas 6:22

Sobiaudua zhãrãba marã ũduama edabʉdadꞌera, ãzhi maẽba jʉretabʉdadꞌera, ikꞌazhirua jarabʉdadꞌera, marã bia ẽkĩrãkꞌa seribidꞌa ẽãnerã mʉ Beubari Bape bꞌʉ kꞌarea.

Juan 15:24

Mʉã ãzhidꞌe edꞌa awʉrʉba okꞌata osi ẽbʉrʉ kꞌazhirua ne ẽã bꞌeakꞌausia, mawũãmina akʉ bꞌeta juradea mʉta, mʉ Zezeta.

Juan 16:3

Maʉ̃ta odꞌaya ũdukꞌawadꞌa ẽãba mʉ Zezeta miã mʉta.

Juan 17:25

Zeze, bʉra biata bꞌʉa, ẽjũãne bꞌebara bʉra ũdukꞌawadꞌa ẽã, mawũãmina mʉã bʉra ũdukꞌawua bꞌʉa, naʉ̃rã mʉnebemata bꞌebara kꞌawuasidꞌa mʉrã bʉa zokꞌadꞌata.

Juan 8:19

Mawũãĩ ãzhara mawũãsidꞌa: ¿Sãma bꞌʉ bʉ Zezera? Mawũãnaĩ Jesúsbara panaʉ̃ mawũãsia: Marãbara mʉrã ũdukꞌawua duanu ẽã, miã mʉ Zezesidꞌa ũdukꞌawua duanu ẽã, mʉta ũdukꞌawua bꞌebʉrʉ mʉ Zezesidꞌa ũdukꞌawua bꞌea.

Juan 8:54

Mawũãnaĩ Jesúsbara panaʉ̃ mawũãsia: Mʉta mʉzhikusa bia jara nʉmaĩbʉrʉ, mawũã mʉzhita bia jara nʉmʉrã kꞌãrẽ ẽã. Mawũãmina mʉrã mʉ Zezeba bia jara bꞌʉa, izhira marãbara Daizezea abꞌea.

Juan 8:55

Mawũãmina marãbara izhira ũdukꞌawua duanu ẽã, maʉ̃ne mʉãrã ũdukꞌawua bꞌʉa, mʉã ũdukꞌawua bꞌʉ ẽã ara, sewa nebʉrʉmiã baya marã kĩrãkꞌa, mawũãmina mʉãrã ũdukꞌawua bꞌʉa, mawũẽ mʉãrã izhi bedꞌeara aribꞌae bꞌʉa.

Hechos 17:23

Ne zhi zromarãne erubꞌeta akʉkua bʉsidꞌe mʉã ũdusia mongꞌara oma nʉmʉta, maʉ̃ma bedꞌeata bꞌʉ nʉmʉta mawũã bꞌasia: DAIZEZE ŨDUDꞌAKꞌAITABEMA. Ũdudꞌakꞌata marãba mawũã zhi zromane erubꞌeta mʉãrã maʉ̃ta marãã jara bꞌʉa.

Hechos 26:9

Wãrãnebai mʉãrã ne jõma oita krĩchasia Jesús Nazaredꞌebemane ĩjã bꞌera kiaweita.

Hechos 3:17

Mawũãmina mʉãrã kꞌawua bꞌʉa marã mʉ ʉreta bꞌebara Jesús zhãrã Ẽdrʉbita kꞌawuadꞌa ẽãba beabisidꞌa mazhi nokꞌorã bawarauba.

Hechos 4:17

Mawũãmina zhãrãne edꞌa wuaabʉrʉ trʉ̃poa ẽbamarẽã ãzhira waragꞌadꞌaya naneba ʉ̃taara miõã jaradꞌa ẽbamarẽã maʉ̃ Jesúsdꞌebemata.

Hechos 5:41

Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea.

Hechos 9:14

Namabidꞌa nokꞌorã sacerdoterãneba zarea bꞌʉa jidakuaita jõma bʉdꞌebema ĩjã bꞌeta.

Hechos 9:16

Mʉã izhaa kꞌawuabiya izhi sãwũã zuburiai barata mʉnebemata jara bꞌʉdꞌera.

Romanos 1:28

Mawũã bꞌebara Daizezedꞌebema kꞌawua krĩñana ẽãba Daizezebara chãbꞌarikuasia ãzhi krĩchara bia ẽãta nʉmeã, ãzhi kꞌawua odꞌamarẽã kꞌãrẽ o ẽbai bꞌʉta.