Juan 14:9 - Porciones del Nuevo Testamento

⁹ Mawũãĩ Jesúsbara mawũãsia: ¿Mʉrã marã bawara bꞌʉta ewari bio bata, bʉa mʉrã ũdukꞌawa ẽka Felipe? Mʉta ũdu bꞌʉbara mʉ Zezeta ũdu bꞌʉa, ¿maʉ̃ta bʉara sãwũã mawũãbʉrʉ: Daia ũdubigarua bʉ Zezeta?

Juan 14:9 Kruisverwysings

Marcos 9:19

Mawũãĩ Jesúsbara panaʉ̃ mawũãsia: ¡Marã soidꞌu duanu ẽã! ¿Mʉrã sõmbeedꞌa marã bawara bꞌaipe? ¿Mʉãrã sõmbeedꞌa zrogꞌa nʉmaĩpe? Kũrã yaya weudua.

Lucas 12:56

¡Sewakꞌau bꞌea! Marãbara sãwũãta kꞌawua bꞌea bãjãnebemata, druadꞌebemata, ¿maʉ̃ta kꞌãrẽneba sãwũãta kꞌawuadꞌa ẽpe ũdudꞌakꞌata mʉã onʉmʉrã idꞌidꞌe?

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Juan 10:30

Mʉrã mʉ Zeze ũme abꞌaʉta panʉã.

Juan 12:45

Mʉta ũdu bꞌʉbara ũdu bꞌʉa mʉ zokꞌadꞌata.

Juan 14:20

Mawũã ũdubʉda ewadera marãbara kꞌawuadꞌaya mʉrã mʉ Zezedꞌe bꞌʉta, marãta mʉne bꞌeta, mʉta marãne bꞌʉta.

Juan 14:7

Marãba mʉta ũdukꞌawua bꞌeasibʉrʉ, mʉ Zezesidꞌa ũdukꞌawua bꞌeakꞌausia, nane wedꞌauba ũdukꞌawadꞌaya ũdu bꞌeba.

Juan 8:19

Mawũãĩ ãzhara mawũãsidꞌa: ¿Sãma bꞌʉ bʉ Zezera? Mawũãnaĩ Jesúsbara panaʉ̃ mawũãsia: Marãbara mʉrã ũdukꞌawua duanu ẽã, miã mʉ Zezesidꞌa ũdukꞌawua duanu ẽã, mʉta ũdukꞌawua bꞌebʉrʉ mʉ Zezesidꞌa ũdukꞌawua bꞌea.