Juan 14:27 - Porciones del Nuevo Testamento

²⁷ Adu-a bꞌaidꞌebemata mʉã marãĩta ãmaẽña, adu-a bꞌaidꞌebemata mʉrẽta mʉã marãã diaya. Maʉ̃ mʉãrã dedꞌeka ẽã ẽjũãne bꞌeba aritiaedꞌa diabada kĩrãkꞌa. Mawũẽ sopuarãũdua, miã perarãũdua.

Juan 14:27 Kruisverwysings

Mateo 10:26

Zhãrãta wawiarãũdua, kꞌãrẽ chũwẽã nʉmʉta kꞌawuadꞌa ẽã nʉmaĩrã ne ẽã, miã kꞌãrẽ merã bꞌʉta kꞌawuadꞌa ẽã nʉmaĩrã ne ẽã.

Lucas 1:79

Aramaʉ̃ne pãrĩguadꞌe bꞌeta ʉ̃nabibʉrʉra ẽdrʉdꞌaita kꞌawuabigaya aduaita beuya bꞌea, dazhira aramaʉ̃ne erunʉmaña Daizeze ũme adu-a bꞌai odꞌe.

Lucas 10:5

Baridu maẽ marã deidꞌu wãbʉdadꞌera naara mawũãũdua: Daizezedꞌeba marã adu-a bꞌeaya.

Lucas 12:4

Marã mʉ bawara zhibiata bꞌea mʉã jaraya: Wawiarãũdua kꞌakua bea bꞌeta, maʉ̃rãbara ãmañarã kꞌãrẽ obꞌedꞌa ẽã.

Lucas 2:14

¡Daizezera ibia jaraudua ʉ̃trera, druadꞌera adu-a bꞌeaya izha bia erunʉmʉta bꞌera!

Juan 14:1

Sopuarãũdua. Ĩjãũdua Daizezedꞌebemata, ĩjãũdua mʉnebemasidꞌa.

Juan 16:33

Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Juan 20:19

Keubʉrʉdꞌe maʉ̃ abꞌaʉ ewadera semana ewartia nabemata domingodꞌera Jesúsba jʉrʉkuadꞌara zhi jʉre ãzhi duanu maẽ puerta serrape duanasia. Judíorã wawiaba mawũã duanune Jesús zepe ãzhi ẽsadra edau nʉmepe mawũãsia: ¡Kʉa, marã adu-a bꞌeaudua!

Juan 20:21

Mawũẽ Jesúsbara wakusa mawũãsia: ¡Kʉa, marã adu-a bꞌeaudua! Mʉ Zezeba mʉta zokꞌadꞌa kĩrãkꞌa mʉãbidꞌa marãta zokꞌaya.

Juan 20:26

Ewari ocho babʉrʉdꞌe Jesúsba jʉrʉkuadꞌara wakusa edꞌa zhi jʉre bꞌedꞌera Tomás ãzhi bawara bꞌasia. Maʉ̃ne puerta serra nʉmʉne Jesús zepe ẽsadra edau nʉmepe mawũãsia: ¡Kʉa, marã adu-a bꞌeaudua!

Hechos 10:36

Daizezebara Israel bꞌea bedꞌeata jarabuebʉrʉta bedꞌea biata adu-a bꞌeaidꞌebemata jarasia Jesucristodꞌeba, maʉ̃ta jõmaʉ̃ Nokꞌoa.

Hechos 18:9

Ewari abꞌa Nokꞌo Jesúsbara Pabloa kꞌãĩmokꞌaradꞌe kĩrãkꞌa diamase mawũãsia: Perarãrũã, awuarabʉrʉ bedꞌearua, chupearãrũã.

Romanos 1:7

Jõma marã Roma pʉwʉrʉdꞌebemata bꞌera Daizezeba kʉãgꞌata bꞌea, marã jʉrʉkuasia izhidꞌeta bꞌeamarẽã: Mawũẽ izhi biaba marã adu-a bꞌeabiya dazhi Zhibari dazhirã Zezeba dewara Nokꞌo Jesucristoba.

Romanos 15:13

Daizezebara izhita krĩchabi bꞌʉa, mawũẽ marã kꞌãbãẽã sobia adu-a soidꞌu bꞌeabiya, aramaʉ̃ne jipa izhitrʉ krĩcha bꞌeamarẽã Jawurebia zareadꞌeba.

Romanos 5:1

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.

Romanos 5:10

Izhi ũme zhi jurata bꞌedꞌe Daizezebara dazhira izhi bawara zhibiata bꞌʉsia zhi warra bebudꞌeba, mawũã zhibiata bꞌʉdꞌaba ẽdrʉdꞌaya Cristota bꞌʉdꞌeba.

Romanos 8:6

Zharadꞌebemata krĩcha bꞌʉra aduaita beuya, mawũãmina Jawurebiadꞌebemata krĩcha bꞌʉra Daizeze ũme bꞌai jõ ẽã bꞌaya adu-a.