Juan 14:22 - Porciones del Nuevo Testamento

²² Mawũãĩ Juda awʉrʉba Iscariote ẽãba mawũãsia: Nokꞌó, ¿bʉara sãwũã daiaabʉrʉ bʉdꞌebemata kꞌawuabi nʉmaĩne kꞌawuabi nʉma ẽpe bʉdꞌebema ẽãta bꞌeara ẽjũãne?

Juan 14:22 Kruisverwysings

Mateo 10:3

Felipeta, Bartolomé, Tomás, Mateo impuesto widꞌi bꞌadꞌata, Jacobo Alfeo warrata, Lebeo ijaramiã trʉ̃ta Tadeota.

Marcos 3:18

Dewaraurã jʉrʉkuasia Andrésta, Felipe, Bartolomé, Mateo, Tomás, Jacobo Alfeo warrata, Tadeota, Simón Canaán bidꞌata.

Lucas 6:16

Juda Jacobo mebeata, dewarabema Juda Iscariote tẽãne Jesús chupea jidabidꞌata.

Juan 3:4

Mawũãĩ Nicodemobara mawũãsia: ¿Dazhira zõrãta sãwũã wakusa toipe? ¿Mobera wakusa zhi papa bꞌitaedꞌa wã bꞌeika wakusa toita?

Juan 3:9

Mawũãĩ Nicodemobara mawũãsia: ¿Maʉ̃ mawũãrã sãwũãpe?

Juan 4:11

Mawũãĩ wũẽrãbara mawũãsia: Nokꞌó, bʉara kꞌãrẽba jueira ne ẽã, maʉ̃ne posora eidꞌua. ¿Mawũẽ bʉara sãmabemata erubꞌʉ baniã dazhi bꞌabi bꞌʉra?

Juan 6:52

Mawũãĩ judíorã ãzhirãĩnu bĩ ẽã mawũãsidꞌa: ¿Naʉ̃bara sãwũã mawũã dazhirãã kꞌobigaipe izhi zharata?

Juan 6:60

Maʉ̃ta ũrĩnape izhi pẽwã bꞌebara bioba mawũãsidꞌa: Maʉ̃ bedꞌeara zarea. ¿Mawũẽ kꞌaiba ũrĩ bꞌeipe?

Hechos 1:13

Jerusalén jũẽkuape wãrĩzekuasia kʉdꞌa ʉ̃rʉ̃bemaĩnu. Mobe mama duanesia Pedrota, Jacobota, Juanta, Andrésta, Felipeta, Tomásta, Bartolométa, Mateota, Jacobo Alfeo warrata, Simón Zeloteta, Juda Jacobo warrata.