Juan 14:20 - Porciones del Nuevo Testamento

²⁰ Mawũã ũdubʉda ewadera marãbara kꞌawuadꞌaya mʉrã mʉ Zezedꞌe bꞌʉta, marãta mʉne bꞌeta, mʉta marãne bꞌʉta.

Juan 14:20 Kruisverwysings

Juan 10:38

Mawũãmina mʉã onʉmʉbʉrʉ, mʉã jara nʉmʉta ĩjãna ẽãsidꞌa, maʉ̃ mʉã onʉmʉta ĩjãũdua, aramaʉ̃ne kꞌawuadꞌaya mʉ Zezera mʉne bꞌʉta, mʉrã mʉ Zezedꞌe bꞌʉta.

Juan 14:10

¿Bʉara ĩjã ẽka mʉrã mʉ Zezedꞌe bꞌʉta, mʉ Zezera mʉne bꞌʉta? Mʉã bedꞌeata marãã jara nʉmʉrã mʉzhikusauba jara nʉmʉ ẽã, awuarabʉrʉ mʉ Zeze mʉne bꞌʉba mʉneba kꞌãrẽ onʉmʉã.

Juan 14:11

Ĩjãrũã mʉrã mʉ Zezedꞌe bꞌʉta, mʉ Zezera mʉne bꞌʉta. Maʉ̃ta ĩjã ẽbʉrʉ, ĩjãrũã mʉã kꞌãrẽ onʉmʉneba.

Juan 16:23

Maʉ̃ ewadera marãbara mʉãã widꞌidꞌa ẽã miã kꞌãrẽta. Mʉã wãrĩnu marãã jaraya, jõma kꞌãrẽ mʉ Zezea mʉneba widꞌibʉdara izha marãã diaya.

Juan 16:26

Maʉ̃ ewadera marãbara mʉneba kꞌãrẽ widꞌidꞌaya. Maʉ̃bara mʉãrã jara kꞌobꞌʉ ẽã mʉta mʉ Zezea zuburia bedꞌeaita marãbari.

Juan 17:11

Mʉrã ya naʉ̃ ẽjũãne bꞌa ẽã. Mawũãmina ãzhira naʉ̃ ẽjũãne bꞌeaya, maʉ̃ne mʉrã bʉma wãña. Zeze bʉra biata bꞌʉa, bʉa mʉãã diadꞌata bꞌera bʉzhi zareaba akʉ jʉre edarua, aramaʉ̃ne abꞌa bꞌeamarẽã dazhi abꞌaʉ kĩrãkꞌa.

Juan 17:26

Mʉãrã bʉdꞌebema kꞌawuabigadꞌata ãmaña kꞌawuabigaya. Aramaʉ̃ne bʉa mʉta kʉãgꞌa kĩrãkꞌa ãzhirãĩnu zhiya kʉãgꞌa bꞌeamarẽã, aramaʉ̃ne mʉrã ãzhidꞌe bꞌaya.

Juan 17:7

Idꞌibʉrʉ kꞌawuabʉda jõma kꞌãrẽ bʉa mʉãã diadꞌara bʉ maẽba zedꞌata.

Juan 6:56

Mʉ zharata kꞌo bꞌʉra mʉ wata do bꞌʉra mʉne bꞌʉa, mʉrã izhidꞌe bꞌʉa.

Romanos 16:7

Saludo diaudua Andrónico dewara Junia, ãzhira mʉ ʉrerãta panʉã, mʉ bawara panasia cárceldꞌe, ãzhira bia jara panʉã Jesúsba zokꞌakuadꞌabara. Ãzhara Cristodꞌebema ĩjãsidꞌa mʉ nawedꞌa.

Romanos 8:1

Idꞌira Jesucristo ũme bꞌera bedꞌea bara duanu ẽã, mawũã duanu ẽã zharadꞌebemane duanu ẽãta, awuarabʉrʉ mawũã bꞌea Jawurebiadꞌeba bꞌeta.