Juan 13:27 - Porciones del Nuevo Testamento

²⁷ Maʉ̃ta kꞌobʉrʉdꞌera ãtõmiã edꞌa izhidꞌe wãsia. Mawũẽ Jesúsbara mawũãsia: Bʉzha oira ĩñabasia odua.

Juan 13:27 Kruisverwysings

Mateo 12:45

Mawũẽ wãpe jai awʉrʉta siete jʉrebaria izhi audre bia ẽãta, mobe edꞌa wãnape mama duanebaria. Mawũẽ zhãrã maʉ̃ audre zuburia bꞌebaria izhi naara bꞌadꞌa kꞌãñabara. Mawũã abꞌarika berabꞌariya idꞌi ewade bia ẽãta bꞌera.

Mateo 4:10

Mawũãĩ Jesúsbara mawũãsia: Ãtõmiã wãrũã, maʉ̃ẽnabemata zhi bꞌʉmata mawũã bꞌʉa: Bʉ Nokꞌo Daizezetrʉ ibia jaradua, izhi bedꞌeatrʉ aribꞌaedua. (Deuteronomio 6:13)

Marcos 6:25

Mawũãĩ reyma ĩñabasia edꞌa wãpe widꞌi mawũãsia: Mʉãrã krĩña bꞌʉa kꞌãwũãwedꞌa epedꞌekꞌodꞌe bʉa mʉãã diaita Juan Burukꞌoemiã buruta.

Lucas 22:3

Maʉ̃ne ãtõmiãta edꞌa wãsia Judadꞌe, ijaramiã trʉ̃ta Iscariote basia. Jesúsba jʉrʉkuadꞌata maʉ̃ta zhi doce basia.

Juan 13:2

Dauja zhiko kꞌobʉdadꞌera ãtõmiãbara Simón warra Juda Iscariotera sodꞌera ya krĩchabisia Jesús chãbꞌaribiita.

Juan 13:28

Mawũãmina nekꞌo duanubara miõba kꞌawuadꞌa ẽbasia kꞌãrẽã mawũãbʉrʉra.

Juan 6:70

Mawũãĩ Jesúsbara mawũãsia: Mʉã marã doce jʉrʉkuasia, mawũãmina marãnebema abꞌa ãtõmiãba erunʉmʉã.

Hechos 5:3

Maʉ̃ne Pedrobara mawũãsia: Ananía, ¿kꞌãrẽã kꞌãwũã ãtõmiã idaribibʉrʉ bʉ sora, Jawurebiaa sewa nebʉrʉmarẽã platara kꞌãwũã ãĩ edabisi ẽka drua nendodꞌadꞌebemata?