Juan 13:18 - Porciones del Nuevo Testamento

¹⁸ Mʉãrã marã jõma jara kꞌobꞌʉ ẽã, mʉãrã kꞌawua bꞌʉa kꞌairãta jʉrʉkuadꞌata. Mawũãmina arimaẽ berabꞌarii barata zhi bꞌʉmata mawũã bꞌʉa: Mʉ ũme nekꞌo bꞌʉra mʉ ʉ̃rʉ̃ baya.

Juan 13:18 Kruisverwysings

Mateo 10:36

Mawũẽ ãzhi juraira zhãrãnerã ãzhi dedꞌabema baya.

Mateo 26:21

Mawũã nekꞌobʉdadꞌera mawũãsia: Mʉã wãrĩnu marãã jaraya, marãnebemaba abꞌaʉba mʉrã chãbꞌariya.

Mateo 26:23

Mawũãnaĩ Jesúsbara panaʉ̃ mawũãsia: Mʉ ũme abꞌaʉ epedꞌekꞌodꞌe nekꞌo kꞌobꞌʉba mʉrã maʉ̃ba chãbꞌariya.

Marcos 14:17

Keubʉrʉdꞌera Jesús zesia izha jʉrʉkuadꞌata doce bawara.

Marcos 14:18

Mobe jewedꞌa duanepe nekꞌobʉdadꞌera Jesúsbara mawũãsia: Mʉã wãrĩnu marãã jaraya, marãnebemata iabꞌa mʉ ũme nekꞌo kꞌobꞌʉba mʉrã chãbꞌariya.

Marcos 14:20

Mawũãnaĩ Jesúsbara panaʉ̃ mawũãsia: Mʉã doce jʉrʉkuadꞌaba abꞌaʉba mawũã chãbꞌariya, maʉ̃bara mʉrẽ kĩrãkꞌa panta sõmbera kꞌobꞌʉa epedꞌekꞌodꞌe.

Lucas 22:21

Mʉta chãbꞌariira mʉ ũme ãba nekꞌo kꞌobꞌʉa.

Juan 13:21

Jesúsbara maʉ̃ta jarape kꞌãbãẽã sopua mawũãsia: Mʉã wãrĩnu marãã jaraya, marãnebema abꞌaʉba mʉrã chãbꞌariya.

Juan 13:22

Mawũãĩ izha jʉrʉkuadꞌara ãzhirãĩnu zhiya akʉsidꞌa kꞌaita jara kꞌobꞌʉta kꞌawuadꞌa ẽãba.

Juan 13:26

Mawũãĩ Jesúsbara panaʉ̃ mawũãsia: Mʉã panta sõmberape diataya, maʉ̃ta izhia. Mawũãpe pan sõmberape Juda Iscariotea diasia Simón warraa.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Juan 15:19

Marãta mʉnebema ẽãta ẽjũãne bꞌebʉrʉ, mʉnebema ẽãta ẽjũãne bꞌebara kʉãgꞌa kꞌausidꞌa ãzhirãrã. Mawũãmina marã mʉnebema ẽãta ẽjũãne duanu ẽã, awuarabʉrʉ mʉã marã jʉrʉkuasia mʉnebema ẽãta ẽjũãne bꞌeta. Maʉ̃ba mʉnebema ẽãta ẽjũãne bꞌebara marã juradea.

Juan 15:25

Aramaʉ̃ne arimaẽ berabꞌari nʉmʉã bedꞌeata zhi bꞌʉmata ãzhi ũrãgꞌadꞌe mawũã bꞌʉta: Mʉrã kꞌãrẽã juradꞌai ne ẽãne juradea.

Juan 17:12

Naʉ̃ ẽjũãne ãzhi bawara bꞌasidꞌera mʉãrã bʉ zareadꞌeba akʉ jʉresia. Bʉa mʉãã diadꞌata bꞌera mʉãrã akʉ jʉresia, aramaʉ̃ne ãzhidꞌebema miõta adua ẽbasia, awuarabʉrʉ zhi aduaitrʉ aduaya. Aramaʉ̃ne maʉ̃ta zhi bꞌʉmata arimaẽ berabꞌariya.

Juan 18:32

Aramaʉ̃ne arimaẽ berabꞌarisia Jesúsba jaradꞌata izhi sãwũã beuita.

Juan 19:24

Mawũẽ ãzhirãĩnu mawũãsidꞌa: Naʉ̃ kꞌõãna ẽã, awuarabʉrʉ kꞌaidꞌe baita kꞌawuadꞌaidꞌebemata odꞌaya. Aramaʉ̃ne arimaẽ berabꞌarisia zhi bꞌʉmata mawũã bꞌʉta: Mʉã jʉ̃ bꞌadꞌara ãzhirãĩnu drasidꞌa sãwũã dradꞌaidꞌebemata odꞌape. (Salmos 22:18) Mawũã jara bꞌʉdꞌe osidꞌa soldaorãbara.

Juan 19:36

Mawũã berabꞌarisia maʉ̃ zhi bꞌʉmata mawũã bꞌʉta: Bꞌʉekuadꞌa ẽbaya izhi bꞌʉwʉrʉra.

Juan 21:17

Jarama ũbeata mawũãsia: Simón Jonás warra, ¿bʉa mʉrã kʉãgꞌakꞌa? Pedrora sopuasia mawũã jarama ũbea, ¿bʉa mʉrã kʉãgꞌakꞌa abʉrʉba? Mawũẽ mawũãsia: Nokꞌó bʉara jõma kꞌawua bꞌʉa. Bʉa kꞌawua bꞌʉa mʉã bʉra kʉãgꞌata. Mawũãĩ Jesúsbara mawũãsia: Jʉredua mʉ pẽwã bꞌeta.

Juan 6:70

Mawũãĩ Jesúsbara mawũãsia: Mʉã marã doce jʉrʉkuasia, mawũãmina marãnebema abꞌa ãtõmiãba erunʉmʉã.

Hechos 1:16

Mebẽrã, zhi bꞌʉmata arimaẽ berabꞌariita bara basia Jawurebiaba rey David idꞌeba jaradꞌata Judadꞌebemata, mawũẽ arimaẽ jʉre edesia Jesús jidadꞌapeadꞌara.

Hechos 1:2

Daizezeba ʉ̃taa ededꞌabitabai jarasia. Ʉ̃taa wãĩ nawedꞌa Jawurebiadꞌeba jarakꞌasia izha zokꞌakuaita jʉrʉkuadꞌaba kꞌãrẽ odꞌaita.