Juan 12:49 - Porciones del Nuevo Testamento

⁴⁹ Mʉrã bedꞌea nʉmʉ ẽã mʉzhikusauba, awuarabʉrʉ mʉ Zeze mʉ zokꞌadꞌaba jarasia kꞌãrẽ jarai bꞌʉra sãwũã jaraita.

Juan 12:49 Kruisverwysings

Juan 14:10

¿Bʉara ĩjã ẽka mʉrã mʉ Zezedꞌe bꞌʉta, mʉ Zezera mʉne bꞌʉta? Mʉã bedꞌeata marãã jara nʉmʉrã mʉzhikusauba jara nʉmʉ ẽã, awuarabʉrʉ mʉ Zeze mʉne bꞌʉba mʉneba kꞌãrẽ onʉmʉã.

Juan 14:24

Mʉta kʉãgꞌa ẽãbara mʉ bedꞌeara aribꞌae ẽã. Mʉã jara nʉmʉ bedꞌeata ũrĩ bꞌera mʉrẽ ẽã, awuarabʉrʉ mʉ Zeze mʉ zokꞌadꞌadꞌea.

Juan 14:31

Mawũãmina mʉãrã mʉ Zezera kʉãgꞌata ẽjũãne bꞌeba kꞌawuadꞌamarẽã, mʉãrã mʉ Zezeba jaradꞌa kĩrãkꞌa onʉmʉã. Pirabꞌariudua, wãdrʉ namaʉ̃bara.

Juan 15:15

Mʉã ya marã mʉ nezokꞌarã a ẽã, nezokꞌabara kꞌawua ẽbaera izhi nokꞌoba kꞌãrẽ obꞌʉra. Awuarabʉrʉ mʉãrã mʉ bawara zhibiarã abꞌʉa, mʉ Zezedꞌeba kꞌãrẽ jõma mʉã ũrĩnarã mʉã marãã kꞌawuabiga bꞌʉba.

Juan 17:8

Bedꞌeata bʉa mʉãã diadꞌara mʉãrã jarakꞌasia, maʉ̃ ãzhara ĩjãsidꞌa. Aramaʉ̃ne kꞌawuasidꞌa mʉrã wãrĩnu bʉ maẽba zedꞌata, aramaʉ̃ne ĩjã bꞌea mʉrã bʉa zokꞌadꞌata.

Juan 3:11

Mʉã wãrĩnu bʉaa jaraya, daibara kꞌãrẽ kꞌawua bꞌeta jarabada, kꞌãrẽ ũdudꞌata jarabada, mawũãmina marãbara ĩjãna ẽã daiba jara bꞌera.

Juan 3:32

Mawũẽ ʉ̃tre izha ũdudꞌata izha ũrĩnata jara bꞌʉa, mawũãmina miõba ĩjãna ẽã izha jara bꞌʉra.

Juan 5:19

Maʉ̃ kꞌarea Jesúsbara mawũãsia: Mʉã wãrĩnu marãã jaraya: Mʉ zhi Warrabara mʉzhikusaubara miã kꞌãrẽta obꞌe ẽã, awuarabʉrʉ mʉ Zezeba obʉrʉta ũdubʉrʉta obꞌʉa, aramaʉ̃ne jõma mʉ Zezeba obꞌʉra mʉ zhi Warrabidꞌa obꞌʉa.

Juan 5:30

Mʉãrã mʉzhikusaubara kꞌãrẽ o ẽã. Awuarabʉrʉ sãwũãta mʉ Zezeba mʉãã jarabʉrʉta ũrĩpe mʉãrã zhãrã kꞌawua obaria, aramaʉ̃ne obaria sãwũã oi bꞌʉdꞌe, mawũẽ mʉãrã onʉmʉ ẽã mʉã krĩñata, awuarabʉrʉ onʉmʉã mʉ Zeze mʉ zokꞌadꞌaba krĩñata.

Juan 6:68

Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Juan 7:16

Maʉ̃ne Jesúsbara mawũãsia: Ũrãgꞌata mʉã jara bꞌʉra mʉrẽ ẽã, awuarabʉrʉ Daizeze mʉ zokꞌadꞌadꞌea.

Juan 8:26

Mʉãrã marãnebema ne bio jara kꞌawua oya, mʉ zokꞌadꞌabara wãrĩnuta jara bꞌʉa, mawũẽ mʉãrã izha jarabʉrʉta ũrĩbʉrʉta jara bꞌʉa ẽjũãne bꞌea.

Juan 8:28

Mawũẽ Jesúsbara mawũãsia: Mʉ Beubari Bape bꞌʉta marãba cruzdꞌe jirabꞌʉdꞌai marãbara kꞌawuadꞌaya Mʉrã Mʉta, aramaʉ̃ne kꞌawuadꞌaya mʉã miã kꞌãrẽta o ẽãta mʉzhikusaubara, awuarabʉrʉ mʉrã mʉ Zezeba jaradiadꞌadꞌe bedꞌea bꞌʉa.

Juan 8:42

Mawũãnaĩ Jesúsbara mawũãsia: Marã zezeta Daizeze basibʉrʉ, marãbara mʉrã kʉãgꞌa kꞌausidꞌa. Mʉrã Daizeze maẽba zedꞌaba mʉzhikusaudꞌeba ze ẽbasia, awuarabʉrʉ mʉrã izha zokꞌasia.