Juan 12:48 - Porciones del Nuevo Testamento

⁴⁸ Mʉta seribi ẽãba mʉ bedꞌeata ĩjã ẽãbara erubꞌʉa kꞌaiba pua kꞌawua oira, bedꞌeata mʉã jara nʉmʉba maʉ̃neba Daizezeba kꞌawua oya ewari jõbʉrʉdꞌe.

Juan 12:48 Kruisverwysings

Mateo 10:15

Mʉã wãrĩnu marãã jaraya, Daizezeba kꞌawua obʉrʉ ewadera Sodoma pʉwʉrʉdꞌe, Gomorra pʉwʉrʉdꞌe bꞌeadꞌara yarebai zuburia bꞌeabiya maʉ̃ pʉwʉrʉdꞌe bꞌe kꞌãñabara.

Mateo 21:42

Mawũãnaĩ Jesúsbara mawũãsia: ¿Marãbara ledꞌakꞌa kĩrãkꞌa duanu ẽka aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita. Daizezeba mawũã osi baera dazhirãma ne bia abꞌʉ ẽka? (Salmos 118:22-23)

Mateo 25:31

Mʉ Beubari Bape bꞌadꞌata zarea bara zebʉrʉta mʉ ángelerã bawara zebʉrʉdꞌera, zhãrã kꞌawua oita jewedꞌaya mʉ bugue kĩrãwãrẽãne.

Marcos 12:10

¿Aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã marãbara ledꞌakꞌa kĩrãkꞌa duanu ẽka?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita.

Marcos 16:16

Mʉnebemata ĩjãpe buru kꞌoebʉrʉra ẽdrʉya, mawũãmina zhi ĩjã ẽãrã aduaya.

Marcos 8:31

Jesúsbara jarakꞌasia izhi Beubari Bape bꞌʉra biodꞌe zuburiai barata, seribidꞌa ẽbaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Lucas 10:16

Marã mʉnebemata bꞌe bedꞌeata ũrĩnarã mʉ bedꞌeata ũrĩnaña, marãta seribidꞌa ẽbʉrʉ mʉta seribidꞌa ẽã, mʉta seribidꞌa ẽãrã mʉ zokꞌadꞌata seribidꞌa ẽã.

Lucas 17:25

Mawũãmina naara biodꞌe zuburiaya, seribidꞌa ẽbaya zhãrã idꞌi ewade bꞌebara.

Lucas 20:17

Mawũãnaĩ Jesúsbara ãzhi akʉ mawũãsia: ¿Mobera kꞌãrẽpe aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita? (Salmos 118:22)

Lucas 7:30

Mawũãmina fariseorãbara, ũrãgꞌa Moisédꞌe jarabadabara seribidꞌa ẽbasia Daizezeba ãzhibari biata okrĩña bꞌʉra, ãzhira aramaʉ̃ne zhi buru kꞌoema ẽbasia Juanba.

Lucas 9:22

mawũãsia: Mʉ Beubari Bape bꞌʉra ne biodꞌe zuburiaya, seribidꞌa ẽbaya nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Aramaʉ̃ne beabʉdadꞌera piradrʉya ewari ũbeadꞌe.

Lucas 9:26

Iabꞌa mʉ kꞌarea mʉ bedꞌea kꞌarea pera bꞌaibʉrʉ, maʉ̃ mʉãrã mʉrẽ ẽã aya mʉ Beubari Bape bꞌadꞌata zarea bara zebʉrʉdꞌera mʉ Zeze zareaedꞌa ángelerã zareaedꞌa.

Juan 11:24

Mawũãĩ Martabara mawũãsia: Mʉãrã kꞌawua bꞌʉa beudꞌata piradrʉita beudꞌapeadꞌata piradrʉbʉdadꞌe ewari jõbʉrʉdꞌe.

Juan 5:45

Krĩcharãũdua kĩrãbita mʉã marã jikuaita mʉ Zezea, mawũãmina kꞌaiba marã jikuaira bꞌʉta Moiséa, maʉ̃ne marãbara izhita krĩcha bꞌea.

Juan 6:39

Mʉ Zeze mʉ zokꞌadꞌabara krĩña bꞌʉa jõma izha mʉãã diabʉrʉra mʉrẽ miõta adua ẽbaita, awuarabʉrʉ krĩña bꞌʉa maʉ̃rãta beudꞌapeadꞌara mʉã piradrʉbigaita ewari nʉmʉta jõbʉrʉdꞌera.

Juan 8:47

Daizezedꞌeta bꞌʉbara Daizeze bedꞌeata ũrĩ bꞌʉa, mawũãmina marãbara ũrĩna ẽã Daizezedꞌeta duanu ẽãba.

Hechos 17:31

Mawũã jara bꞌʉa izha ewarita nʉmʉkꞌãrĩneba ẽjũãne bꞌera kꞌawua oita sãwũã oi bꞌʉdꞌe, mawũã oya Jesús izha jʉrʉdꞌadꞌeba, mawũã oita jõmaʉ̃ã kꞌawuabibʉrʉta beudꞌata piradrʉbisia.

Hechos 3:23

Maʉ̃ Daizezeba bedꞌeata jarabibari bedꞌeata ũrĩna ẽãrã, Daizezebara Israel bꞌedꞌebemata bꞌeabi ẽã.

Romanos 2:16

Daizezeba kꞌawua obʉrʉ ewadera zhãrãnebema kꞌawuadꞌa ẽãrã Jesucristodꞌeba kꞌawua oya bedꞌea biata mʉã jara bꞌʉdꞌe.