Juan 12:36 - Porciones del Nuevo Testamento

³⁶ Ʉ̃nata eruduanuwedꞌa ĩjãũdua ʉ̃nanebemata, aramaʉ̃ne bꞌeaita ʉ̃na warrarãta. Jesúsbara maʉ̃ta jarape wãpe merũsia zhãrã kꞌarea.

Juan 12:36 Kruisverwysings

Mateo 21:17

Mawũãpe ãmaẽkuabʉrʉta Jerusalénnebara ãĩ wãsia Betania pʉwʉrʉedꞌa, mobe mama ʉ̃nadrʉsia.

Mateo 5:14

Marãneba Daizezedꞌebemata ũdu bꞌeba marã ʉ̃nata bꞌea ẽjũãne bꞌerãĩta. Mawũẽ pʉwʉrʉ kꞌatumane ʉ̃rʉ̃ tabꞌʉta merũ bꞌe ẽkĩrãkꞌa bꞌea.

Lucas 16:8

Ne akʉbarita bia ẽãrã izhi nokꞌobara ibia jarasia mawũã kꞌãrẽ sãwũã oira bigaudꞌeba. Aramaʉ̃ne naʉ̃ ẽjũãne bꞌera zhãrã sãwũã edaira audre bigauta bꞌea Daizeze warrarã kꞌãñabara.

Juan 1:7

Maʉ̃ zesia ʉ̃nanebemata jarakꞌaita, aramaʉ̃ne jõmaʉ̃ba ĩjãnamarẽã izhidꞌeba.

Juan 11:54

Maʉ̃ kꞌarea judíorãne edꞌara Jesús ya dajada nimiba ẽbasia, awuarabʉrʉ mamaʉ̃bara wãsia drua drudrua tabꞌʉ kꞌaita, pʉwʉrʉta Efraín abadaidꞌu wãsia, mobe mama bꞌesia izha jʉrʉkuadꞌa bawara.

Juan 12:37

Jesúsbara ũdudꞌakꞌata ãzhi kĩrãbita okuasiidꞌu ĩjãna ẽbasia izhidꞌebema.

Juan 12:46

Mʉta ʉ̃nata zesia naʉ̃ ẽjũãẽna, mʉnebema ĩjãbʉdara pãrĩguadꞌe bꞌea ẽbamarẽã.

Juan 3:21

Mawũãmina Daizezedꞌebema wãrãta aribꞌae bꞌʉra ze bꞌʉa ʉ̃nata bꞌʉma, aramaʉ̃ne kꞌawuadꞌamarẽã izhara obꞌʉta Daizezedꞌebemata.

Juan 8:12

Wakusa Jesúsbara zhãrã kꞌobꞌea mawũãsia: Mʉrã ʉ̃nata bꞌʉa ẽjũãne bꞌerãĩta, mʉta pẽwã bꞌʉra pãrĩguadꞌe nimiba ẽã, awuarabʉrʉ ʉ̃nata erubꞌaya Daizeze ũme bꞌai jõ ẽãta.

Juan 8:59

Mawũãĩ mongꞌarata jirakua edasidꞌa tabꞌari beadꞌaita, mawũãmina Jesús merũpe ãĩ wãsia Daizeze dedꞌa ewara maẽbara. Aramaʉ̃ne ãzhi ẽsadra berabꞌari wãsia.