Juan 12:25 - Porciones del Nuevo Testamento

²⁵ Bꞌa krĩñaba mʉ kꞌarea beu ẽãrã aduaya, mawũãmina naʉ̃ ẽjũãne bꞌa krĩña ẽkĩrãkꞌa mʉ kꞌarea beubʉrʉra Daizeze ũme bꞌai jõ ẽã bꞌaya.

Juan 12:25 Kruisverwysings

Mateo 10:39

Mʉ kꞌarea beu ẽãrã aduaya, mawũãmina mʉ kꞌarea beubʉrʉra ẽdrʉya.

Mateo 16:25

Mʉ kꞌarea beu krĩña ẽãrã aduaya, mawũãmina mʉ kꞌarea beubʉrʉra ẽdrʉya.

Mateo 19:29

Bariduba deta ãmaẽrã, zhi mebẽrã zhũmakĩrãrãta, nawekꞌaurãta ãmaẽrã, zezeta, papata, wũẽrãta, warrarãta, druata, mʉ kꞌarea ãmaẽrã, jidama cien jidaya ãmaña. Mobe Daizeze ũme bꞌai jõ ẽãta jidaya.

Marcos 8:35

Mʉ kꞌarea beu krĩña ẽãrã aduaya, mawũãmina mʉ kꞌarea bedꞌea biata mʉrẽ kꞌarea beubʉrʉra ẽdrʉya.

Lucas 14:26

Iabꞌa mʉma zebʉrʉbara mʉta audre kʉãgꞌaidꞌe bꞌʉa, zhi zezeta, papata, kĩmata, warrarãta, zhi mebẽrã zhũmakĩrãrãta, nawekꞌaurãta bꞌe kꞌãñabara, ari izhi kꞌãñabara mʉta audre kʉãgꞌa ẽbʉrʉ mʉ pẽwã bꞌʉta bꞌʉ ẽã.

Lucas 17:33

Iabꞌaʉba izha ne erubꞌʉtrʉ bia nʉmabiya bꞌʉra aduaya, mawũãmina mʉ kꞌarea aduabira ẽdrʉya.

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 21:13

Mawũãmina Pablobara panaʉ̃ mawũãsia: ¿Kꞌãrẽta odꞌaipe jẽgabʉdaba mʉ sopuabi kꞌobꞌebara? Mʉrã bari zhi jʉ̃bigaidꞌe bꞌʉ ẽã, awuarabʉrʉ Jerusalénne beuisidꞌa bꞌʉa Nokꞌo Jesús kꞌarea.