Juan 12:1 - Porciones del Nuevo Testamento

¹ Egiptodꞌeba ẽzoadꞌata krĩcha fiesta obadata ewari seis wãẽã nʉmʉne, Jesús Betania pʉwʉrʉedꞌa zesia Lázaro bꞌʉ maẽ, maʉ̃ beudꞌata izha piradrʉbidꞌa basia.

Juan 12:1 Kruisverwysings

Mateo 21:17

Mawũãpe ãmaẽkuabʉrʉta Jerusalénnebara ãĩ wãsia Betania pʉwʉrʉedꞌa, mobe mama ʉ̃nadrʉsia.

Marcos 11:11

Aramaʉ̃ne Jesús Jerusalénne edꞌa wãbʉrʉdꞌera, Daizeze dedꞌa ewara maẽ wãpe ne jõma akʉkuape keu baera Betania pʉwʉrʉedꞌa wãsia izha jʉrʉkuadꞌata doce bawara.

Lucas 24:50

Mobebʉrʉ ãĩ jʉre edesia Betaniaĩnu, mobe Daizezeba bia jʉremarẽã juwua jirabꞌaripe ibia jarakꞌasia.

Lucas 7:37

Maʉ̃ne wũẽrã pʉwʉrʉdꞌebemata kꞌazhirua omiãba, Jesús mawũã fariseo dedꞌa nekꞌo bꞌʉta kꞌawuai botelladꞌe wesia kerata.

Juan 11:1

Lázaro abadata kꞌaya nʉmʉta Betania pʉwʉrʉdꞌebema basia, zhi nawekꞌaurãsidꞌa Maríata, Marta ũme maʉ̃ pʉwʉrʉdꞌebema basia.

Juan 11:43

Mawũãpe nemi jĩgua mawũãsia: ¡Lázaro ãĩ zerua!

Juan 11:44

Mawũãĩ beudꞌara ãĩ zesia, juwuata jẽrũta bʉra chubꞌasia wuaba, kĩrãsidꞌa bʉra chubꞌasia pañueloba. Mawũẽ Jesúsbara mawũãsia: Ẽnaʉ̃dua tebamarẽã.

Juan 11:55

Kꞌaita bata nʉmasia Egiptodꞌeba ẽzoadꞌata krĩcha fiesta obadata judíorãba, mawũẽ fiesta nawedꞌa bio wãrĩzesidꞌa Jerusalén pʉwʉrʉedꞌa, Daizeze kĩrãbita nene ẽã kꞌobꞌaidꞌebemata odꞌai kꞌarea.

Juan 12:12

Jerusalén pʉwʉrʉedꞌa kꞌabanata fiesta badꞌe zedꞌapeadꞌabara nrũẽmane ũrĩsidꞌa Jesúsidꞌa uruta.

Juan 12:20

Ʉ̃kʉrʉ griegorãta duanasia Jerusalén pʉwʉrʉedꞌa wãrĩzekuadꞌara Daizeze ibia jaradꞌaita fiestadꞌe.

Juan 12:9

Judíorãbara kꞌabanaba kꞌawuasidꞌa Jesús Betania pʉwʉrʉdꞌe bꞌʉta, mawũẽ maĩnu zesidꞌa, bari Jesús akʉdꞌe zedꞌa ẽbasia, awuarabʉrʉ Lázarosidꞌa akʉdꞌe zesidꞌa, beudꞌata Jesúsba piradrʉbidꞌata.