Juan 11:48 - Porciones del Nuevo Testamento

⁴⁸ Kꞌãwũã idaribidꞌara izhidꞌebemata jõmaʉ̃ba ĩjãnaña, kꞌãwũãrã Roma bidꞌarãta zedꞌape Daizeze de dazhirãnerã ãrĩnaña, dazhirãsidꞌa beakuadꞌaya.

Juan 11:48 Kruisverwysings

Mateo 22:7

Maʉ̃ta reyba ũrĩbʉrʉdꞌera kĩrũpe zokꞌasia soldaorã izhidꞌeta, aramaʉ̃ne makenasia maʉ̃rã miã beamiãta bꞌera, mobe basia ãzhi pʉwʉrʉra.

Mateo 22:9

Mawũẽ oza wãũdua, mobe juwua jidayima trʉ̃ũdua mazha ũdubʉdata.

Mateo 24:15

Mawũẽ Daizeze dedꞌa jaidꞌebema ne mitiata nʉmʉbʉdata marãba ũdubʉdadꞌera, Daizezeba bedꞌeata jarabibariba Danielba jaradꞌata ũdudꞌaya. Mawũẽ zhi naʉ̃ lebʉrʉbara maʉ̃ sãwũãta kꞌawuarua.

Mateo 27:25

Mawũãĩ jõmaʉ̃ba panaʉ̃ mawũãsidꞌa: Kꞌãʉ̃ bebura izhikꞌawua dai ʉ̃rʉ̃ bꞌaeya, mobe izhikꞌawua dai warrarã ʉ̃rʉ̃ bꞌaeya.

Lucas 11:52

¡Daizezebara pua kꞌawua oya marã ũrãgꞌa Moisédꞌe jarabadata bꞌera! Marãbara idaribidꞌa ẽã Daizezedꞌebema kꞌawuadꞌaira. Miã mazhabidꞌa kꞌawuadꞌa ẽã, zhi kꞌawua krĩñabʉdaara idaribidꞌa ẽã.

Lucas 8:12

Ne ta pobʉrʉdꞌe odꞌe bꞌaedꞌara zhi ũrĩbadata maʉ̃ã. Mawũãmina ãtõmiãta zepe bedꞌeata ãzha ũrĩnata ãĩ eda bꞌʉa ãzhi sodꞌeba, ĩjãbʉdaba ẽdrʉdꞌa ẽbamarẽã.

Juan 1:7

Maʉ̃ zesia ʉ̃nanebemata jarakꞌaita, aramaʉ̃ne jõmaʉ̃ba ĩjãnamarẽã izhidꞌeba.

Hechos 5:28

mawũãsia: ¿Daibara marãã jipa jarasidꞌa ẽka jaradꞌa ẽbamarẽã Jesúsdꞌebema? Maʉ̃ta marãbara Jerusalénne jõmaʉ̃ã jarabʉda mazhi ũrãgꞌara, aramaʉ̃ne dai ʉ̃rʉ̃ bꞌaebi krĩña panʉã Jesús bebuta.