Juan 10:4 - Porciones del Nuevo Testamento

⁴ Aramaʉ̃ne izhi ovejarã jõma ãĩ zebigape ãzhi naa wãbaria, mawũẽ ovejarã izhi kꞌaidꞌu wãbada izhi nemita ũrĩkꞌawua bꞌeba.

Juan 10:4 Kruisverwysings

Mateo 16:24

Mobebʉrʉ Jesúsbara izha jʉrʉkuadꞌaa mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Juan 10:16

Mʉã dewara erubꞌʉa ovejarã naʉ̃ kꞌorradꞌebema ẽãta. Maʉ̃rãsidꞌa mʉãrã wei baraba maʉ̃rãbara mʉ bedꞌeara ũrĩnaña. Aramaʉ̃ne ãba duaneña, ãzhi akʉbarira abꞌa bꞌaya.

Juan 10:27

Mʉ ovejarãbara mʉ bedꞌeara ũrĩ bꞌea, mʉãrã ãzhira ũdukꞌawua bꞌʉa, mʉrã aramaʉ̃ne pẽwã bꞌea.

Juan 10:3

Puerta jʉ̃ã bꞌʉbara maʉ̃ edꞌa wãmarẽã ewabaria, ovejarãbara izhi nemirã ũrĩkꞌawua bꞌea, izhi ovejarã trʉ̃ jara ãĩ jʉre edebaria.

Juan 10:5

Mawũãmina ũdudꞌakꞌara pẽwãna ẽã, awuarabʉrʉ maʉ̃ kꞌareara merũ wãẽba panʉã ũdudꞌakꞌa nemirã ũrĩnakꞌaba.

Juan 10:8

Jõma mʉ nawedꞌa zedꞌapeadꞌara nezrʉgamiãta bꞌea, mawũẽ ãzhi bedꞌeara ũrĩna ẽbasia mʉrẽta bꞌebara.

Juan 12:26

Iabꞌaʉba mʉ bedꞌeata aribꞌae nʉmʉbara mʉta pẽwãdua, mawũãrã mʉ bꞌʉ maẽ bꞌaya mʉ bedꞌeata aribꞌae bꞌʉra. Iabꞌaʉba mʉ bedꞌeata aribꞌae bꞌʉra mʉ Zezebara bia edaya.

Juan 13:15

Mʉãrã marã kꞌãwũã obʉrʉa marãbidꞌa abꞌarika odꞌamarẽã.

Juan 18:37

Mawũãĩ Pilatobara mawũãsia: ¿Mobera bʉra Reyka? Mawũãĩ Jesúsbara panaʉ̃ mawũãsia: Ara bʉzha jarabʉrʉa mʉrã Reyta. Mʉrã maʉ̃ kꞌarea tobʉdata naʉ̃ ẽjũãẽna zesia wãrãta jaraita. Wãrãnebemata bꞌebara ũrĩ bꞌea mʉ bedꞌeara.

Juan 3:29

Juwua jidaidꞌera wũẽrã zhũmakĩrãba erunʉmʉã, izhi ũme zhi biata kꞌaita bꞌʉra izhi nemita ũrĩ bꞌʉba kꞌãbãẽã sobia bꞌidꞌabaria. Jesúsdꞌebema ũrĩ bꞌʉba aramaʉ̃ kĩrãkꞌa mʉrã kꞌãbãẽã sobia bꞌʉa.