Juan 10:38 - Porciones del Nuevo Testamento

³⁸ Mawũãmina mʉã onʉmʉbʉrʉ, mʉã jara nʉmʉta ĩjãna ẽãsidꞌa, maʉ̃ mʉã onʉmʉta ĩjãũdua, aramaʉ̃ne kꞌawuadꞌaya mʉ Zezera mʉne bꞌʉta, mʉrã mʉ Zezedꞌe bꞌʉta.

Juan 10:38 Kruisverwysings

Juan 10:25

Mawũãnaĩ Jesúsbara panaʉ̃ mawũãsia: Mʉrã maʉ̃ta mʉã marãã jarasimina marãbara ĩjãna ẽã. Mʉ Zezedꞌeba mʉã kꞌãrẽ onʉmʉba jipa kꞌawuabi bꞌʉa mʉrã maʉ̃ta.

Juan 10:30

Mʉrã mʉ Zeze ũme abꞌaʉta panʉã.

Juan 11:4

Jesúsbara maʉ̃ta ũrĩpe mawũãsia: Maʉ̃ mawũã kꞌaya nʉmʉrã bari beuidꞌebema ẽã, awuarabʉrʉ Daizeze zhi zromata kꞌawuadꞌaidꞌebema, mʉ Daizeze Warrata zhi zromata kꞌawuadꞌaidꞌebema.

Juan 14:20

Mawũã ũdubʉda ewadera marãbara kꞌawuadꞌaya mʉrã mʉ Zezedꞌe bꞌʉta, marãta mʉne bꞌeta, mʉta marãne bꞌʉta.

Juan 17:11

Mʉrã ya naʉ̃ ẽjũãne bꞌa ẽã. Mawũãmina ãzhira naʉ̃ ẽjũãne bꞌeaya, maʉ̃ne mʉrã bʉma wãña. Zeze bʉra biata bꞌʉa, bʉa mʉãã diadꞌata bꞌera bʉzhi zareaba akʉ jʉre edarua, aramaʉ̃ne abꞌa bꞌeamarẽã dazhi abꞌaʉ kĩrãkꞌa.

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Juan 5:36

Mawũãmina mʉã erubꞌʉa mʉnebema audre bia jara bꞌʉta Juanba jaradꞌa kꞌãñabara, kꞌãrẽ aribꞌaeita mʉ Zezeba mʉãã diadꞌata mʉã obꞌʉba mʉnebemata jara bꞌʉa mʉrã mʉ Zezeba zokꞌadꞌata.

Hechos 2:22

Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.