Juan 10:36 - Porciones del Nuevo Testamento

³⁶ ¿Maʉ̃ne mʉrã mʉ Zezeba jʉrʉpe naʉ̃ ẽjũãẽna zokꞌadꞌata, marãbara bʉra Daizezema mitia bedꞌeabʉrʉa abʉda ẽka, bari mʉã jarabʉrʉdꞌeba mʉrã Daizeze Warrata?

Juan 10:36 Kruisverwysings

Mateo 27:43

Daizezeta krĩcha bꞌʉa, mawũẽ Daizezeba kʉãgꞌabʉrʉ aramaʉ̃ta kꞌarebaya. Maʉ̃ẽnabema izhara mawũãsia: Mʉrã Daizeze Warra.

Mateo 27:54

Soldaorã nokꞌoba soldaorã bawarauba Jesústa kĩrãkuita bꞌedꞌe ẽjũã ureta ũdubʉdadꞌe, mawũã berabꞌaribʉrʉta ũdudꞌai kꞌãbãẽã perabʉdaba mawũãsidꞌa: Naʉ̃ wãrĩnu Daizeze Warra basia.

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Juan 10:35

Mawũã dai zezerãta jarasia izha bedꞌeata jarakꞌadꞌata, maʉ̃ta zhi bꞌʉmarã mawũã ẽã abꞌedꞌa ẽã.

Juan 17:18

Bʉa mʉta ẽjũãne bꞌema zokꞌadꞌa kĩrãkꞌa, mʉãbidꞌa zokꞌakuabʉrʉa ẽjũãne bꞌema.

Juan 17:21

Aramaʉ̃nerã jõma abꞌa bꞌeaya. Zeze, mawũãrã bʉta mʉne bꞌʉ kĩrãkꞌa, mʉta bʉdꞌe bꞌʉ kĩrãkꞌa, ãzhisidꞌa dazhi ũme abꞌa bꞌeaya. Aramaʉ̃ne ẽjũãne bꞌebara ĩjãnamarẽã mʉrã bʉa zokꞌadꞌata.

Juan 17:8

Bedꞌeata bʉa mʉãã diadꞌara mʉãrã jarakꞌasia, maʉ̃ ãzhara ĩjãsidꞌa. Aramaʉ̃ne kꞌawuasidꞌa mʉrã wãrĩnu bʉ maẽba zedꞌata, aramaʉ̃ne ĩjã bꞌea mʉrã bʉa zokꞌadꞌata.

Juan 19:7

Mawũãĩ judíorãbara panaʉ̃ mawũãsidꞌa: Daibara erubꞌea ũrãgꞌata, mawũẽ dai ũrãgꞌaba jara bꞌʉdꞌera beuibara izhikusa Daizeze Warradꞌe bꞌʉdꞌeba.

Juan 20:28

Mawũãĩ Tomásbara panaʉ̃ mawũãsia: ¡Bʉra mʉ Nokꞌoa, mʉ Zhibaria!

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 3:17

Daizezebara zhi Warra naʉ̃ ẽjũãẽna zokꞌa ẽbasia aduabimarẽã ẽjũãne bꞌeta, awuarabʉrʉ zokꞌasia ẽjũãne bꞌera ẽdrʉdꞌamarẽã izhidꞌeba.

Juan 3:34

Daizezeba zokꞌadꞌabara Daizeze bedꞌeata jara bꞌʉa Daizezeba Jawurebiata diadꞌaba.

Juan 5:30

Mʉãrã mʉzhikusaubara kꞌãrẽ o ẽã. Awuarabʉrʉ sãwũãta mʉ Zezeba mʉãã jarabʉrʉta ũrĩpe mʉãrã zhãrã kꞌawua obaria, aramaʉ̃ne obaria sãwũã oi bꞌʉdꞌe, mawũẽ mʉãrã onʉmʉ ẽã mʉã krĩñata, awuarabʉrʉ onʉmʉã mʉ Zeze mʉ zokꞌadꞌaba krĩñata.

Juan 6:27

Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.

Juan 6:38

Mʉrã ʉ̃trebara ze ẽbasia mʉã krĩñata oita, awuarabʉrʉ zesia mʉ Zeze mʉ zokꞌadꞌaba krĩñata oita.

Juan 6:57

Mʉ Zeze mʉ zokꞌadꞌata bꞌʉ kĩrãkꞌa, mʉrã bꞌʉa mʉ Zezedꞌeba, aramaʉ̃ kĩrãkꞌa mʉta kꞌo bꞌʉra bꞌaya mʉneba.

Juan 6:69

Maʉ̃ daibara ĩjã bꞌea, aramaʉ̃ne daiba kꞌawua bꞌedꞌera bʉra zhãrã Ẽdrʉbita Daizeze zokꞌai bꞌʉ Warra.

Juan 8:42

Mawũãnaĩ Jesúsbara mawũãsia: Marã zezeta Daizeze basibʉrʉ, marãbara mʉrã kʉãgꞌa kꞌausidꞌa. Mʉrã Daizeze maẽba zedꞌaba mʉzhikusaudꞌeba ze ẽbasia, awuarabʉrʉ mʉrã izha zokꞌasia.

Romanos 1:4

Izhira Daizeze Warrata zarea bara bꞌʉta Jawurebiaba kꞌawuabisia, mawũã kꞌawuabisia beudꞌata piradrʉdꞌadꞌeba.

Romanos 8:3

Moisé ũrãgꞌabara ẽdrʉbi bꞌe ẽãba, zharabara ẽdrʉbi bꞌe ẽãba Daizezebara zhi warrata zokꞌasia dazhi kꞌãwũ zharadꞌe kꞌazhirua omiã zadꞌe. Mobe dazhi kꞌazhiruabari beubibʉrʉba kꞌazhiruadꞌebara ẽdrʉbisia, aramaʉ̃ne kꞌazhiruara beasia dazhi kꞌãwũ zharadꞌeba.

Romanos 9:5

Ãzhira Abrahamneba, Isaacdꞌeba, Jacobodꞌeba uruta bꞌea, ãzhidꞌeba naʉ̃ zharadꞌe zesia Cristora, izhira Daizezeta ne jõmaʉ̃ ʉ̃rʉ̃ bꞌʉa, mawũẽ ewari nʉmʉ jõma ibia jaradꞌaya. Amén.