Juan 10:27 - Porciones del Nuevo Testamento

²⁷ Mʉ ovejarãbara mʉ bedꞌeara ũrĩ bꞌea, mʉãrã ãzhira ũdukꞌawua bꞌʉa, mʉrã aramaʉ̃ne pẽwã bꞌea.

Juan 10:27 Kruisverwysings

Mateo 16:24

Mobebʉrʉ Jesúsbara izha jʉrʉkuadꞌaa mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 25:12

Mawũãnaĩ izhara panaʉ̃ mawũãsia: Mʉã wãrĩnu marãã jaraya, mʉã marã ũdukꞌa.

Mateo 7:23

Mawũãnaĩ mʉãrã mawũãña: Mʉã marã ũdukꞌa. ¡Mʉ maẽbara ãĩ wãũdua, marã bia ẽã omiãta bꞌea!

Marcos 10:21

Mawũãĩ Jesúsbara ibiadꞌe akʉpe mawũãsia: Bʉara ne abꞌa aribꞌaeita wãẽã bꞌʉa. Mawũẽ wãpe, bʉzha ne erubꞌʉta jõma nendope, platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua bebudꞌe basiidꞌu.

Marcos 8:34

Mawũãpe zhãrãta izha jʉrʉkuadꞌa bawara trʉ̃pe mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Lucas 13:27

Maʉ̃ne izhara mawũãña: Mʉã marãã jaraya, mʉãrã kꞌawua ẽã marã sãmabemata, mʉ maẽbara marã jõma ãĩ wãũdua, marã bia ẽã omiãta bꞌea.

Lucas 9:23

Mawũãpe jõmaʉ̃ã mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu ewariza mʉrã pẽwãdua.

Juan 10:14

Mʉrã ovejarã akʉira bigaudꞌeba ũdukꞌawua bꞌʉa mʉ ovejarã, mʉrẽta bꞌebidꞌa mʉrã ũdukꞌawua bꞌea.

Juan 10:16

Mʉã dewara erubꞌʉa ovejarã naʉ̃ kꞌorradꞌebema ẽãta. Maʉ̃rãsidꞌa mʉãrã wei baraba maʉ̃rãbara mʉ bedꞌeara ũrĩnaña. Aramaʉ̃ne ãba duaneña, ãzhi akʉbarira abꞌa bꞌaya.

Juan 10:8

Jõma mʉ nawedꞌa zedꞌapeadꞌara nezrʉgamiãta bꞌea, mawũẽ ãzhi bedꞌeara ũrĩna ẽbasia mʉrẽta bꞌebara.

Juan 12:26

Iabꞌaʉba mʉ bedꞌeata aribꞌae nʉmʉbara mʉta pẽwãdua, mawũãrã mʉ bꞌʉ maẽ bꞌaya mʉ bedꞌeata aribꞌae bꞌʉra. Iabꞌaʉba mʉ bedꞌeata aribꞌae bꞌʉra mʉ Zezebara bia edaya.

Juan 21:22

Mawũãĩ Jesúsbara mawũãsia: Naʉ̃ mʉ zeyeedꞌa bꞌaita mʉã krĩñabʉrʉ, ¿bʉa sãwũãĩpe? Bʉra mʉta pẽwã bꞌadua.

Juan 5:25

Mʉã wãrĩnu marãã jaraya: Ewarita zeya, maʉ̃ ewarira ya arabasia, mawũẽ aduaita bꞌebara ũrĩnaña mʉ Daizeze Warra nemita, mʉ bedꞌeata ũrĩbʉdara Daizeze ũme bꞌai jõ ẽã bꞌeaya.

Juan 8:12

Wakusa Jesúsbara zhãrã kꞌobꞌea mawũãsia: Mʉrã ʉ̃nata bꞌʉa ẽjũãne bꞌerãĩta, mʉta pẽwã bꞌʉra pãrĩguadꞌe nimiba ẽã, awuarabʉrʉ ʉ̃nata erubꞌaya Daizeze ũme bꞌai jõ ẽãta.

Juan 8:43

¿Marãbara kꞌãrẽneba sãwũãta kꞌawuadꞌa ẽpe mʉã jara bꞌʉra? Kꞌawua ẽã bꞌea mʉ bedꞌeara ũrĩ krĩña ẽã bꞌeba.

Hechos 3:23

Maʉ̃ Daizezeba bedꞌeata jarabibari bedꞌeata ũrĩna ẽãrã, Daizezebara Israel bꞌedꞌebemata bꞌeabi ẽã.