Juan 10:18 - Porciones del Nuevo Testamento

¹⁸ Mʉrã miõba beadꞌa ẽã, awuarabʉrʉ mʉrã mʉzhi biaba beuya. Mʉãrã erubꞌʉa beui zareara, mʉãrã erubꞌʉa wakusa piradrʉi zareara. Maʉ̃ta omarẽã jarasia mʉ Zezeba.

Juan 10:18 Kruisverwysings

Juan 10:11

Mʉrã bigaua ovejarã akʉira. Ovejarã akʉita bigaura beubaria ovejarã kꞌarea.

Juan 10:15

Aramaʉ̃ kĩrãkꞌa mʉ Zezebara mʉrã ũdukꞌawua bꞌʉa, mʉ Zezera mʉãbidꞌa ũdukꞌawua bꞌʉa. Mʉrã beuya ovejarã kꞌarea.

Juan 10:17

Mʉ Zezebara mʉrã kʉãgꞌa mʉrã beui baera wakusa piradrʉita.

Juan 14:31

Mawũãmina mʉãrã mʉ Zezera kʉãgꞌata ẽjũãne bꞌeba kꞌawuadꞌamarẽã, mʉãrã mʉ Zezeba jaradꞌa kĩrãkꞌa onʉmʉã. Pirabꞌariudua, wãdrʉ namaʉ̃bara.

Juan 15:10

Mʉã jara bꞌʉta aribꞌae bꞌebʉrʉ mʉã kʉãgꞌata bꞌeaya, aramaʉ̃ kĩrãkꞌa mʉãrã mʉ Zezeba jara bꞌʉta jõma aribꞌae bꞌʉa, mawũẽ mʉrã izha kʉãgꞌa.

Juan 19:11

Mawũãĩ Jesúsbara panaʉ̃ mawũãsia: Bʉa mʉrã kꞌãrẽ sãwũã ẽbakꞌausia ʉ̃treba kꞌãwũã idaribi ẽbasibʉrʉ. Mawũẽ mʉta bʉ juwuadꞌe chãbꞌaridꞌatrʉ bʉ audre kꞌazhirua barasia.

Juan 5:26

Mʉ Zezebara erubꞌʉa izhi ũme bꞌai jõ ẽãta, mawũẽ mʉ zhi Warraabidꞌa diasia erubꞌamarẽã izhi ũme bꞌai jõ ẽãta.

Juan 5:30

Mʉãrã mʉzhikusaubara kꞌãrẽ o ẽã. Awuarabʉrʉ sãwũãta mʉ Zezeba mʉãã jarabʉrʉta ũrĩpe mʉãrã zhãrã kꞌawua obaria, aramaʉ̃ne obaria sãwũã oi bꞌʉdꞌe, mawũẽ mʉãrã onʉmʉ ẽã mʉã krĩñata, awuarabʉrʉ onʉmʉã mʉ Zeze mʉ zokꞌadꞌaba krĩñata.

Juan 6:38

Mʉrã ʉ̃trebara ze ẽbasia mʉã krĩñata oita, awuarabʉrʉ zesia mʉ Zeze mʉ zokꞌadꞌaba krĩñata oita.

Hechos 2:24

Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera.

Hechos 2:32

Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa.

Hechos 3:15

Aramaʉ̃ne beasidꞌa Daizeze ũme bꞌai jõ ẽãta dia bꞌʉta. Maʉ̃ Daizezebara beudꞌata piradrʉbisia, maʉ̃ daiba ũdusidꞌa.