Juan 10:10 - Porciones del Nuevo Testamento

¹⁰ Nezrʉgamiã zebaria nezrʉgaita, zhãrã beaita, zhãrã jõbiita. Mawũãmina mʉrã zesia Daizeze ũme bꞌai jõ ẽãta adꞌuba erubꞌeamarẽã.

Juan 10:10 Kruisverwysings

Mateo 18:10

Seri ẽãne edarãũdua iabꞌabidꞌa za wĩka kedꞌeta, mʉã marãã jaraya, ángelerã ãzhi akʉ bꞌera ʉ̃trera baridua bꞌea mʉ Zeze ʉ̃tre bꞌʉ kĩrãbita.

Mateo 18:11

Mʉ Beubari Bape bꞌʉra zesia adua bꞌeta ẽdrʉbigaita.

Mateo 20:28

Aramaʉ̃ kĩrãkꞌa mʉ Beubari Bape bꞌʉra ze ẽbasia zhãrãba aribꞌaedꞌamarẽã, awuarabʉrʉ zesia zhãrã aribꞌaeita, aramaʉ̃ne mʉ bebura diaya jõmaʉ̃bari.

Mateo 21:13

Mobe mawũãsia: Naʉ̃ẽnabemata zhi bꞌʉmata mawũã bꞌʉa: Mʉ dera zhiwidꞌibadata nʉmʉã adꞌaya. Mawũã bꞌʉdꞌera marãbara nezrʉgamiãrã de babi nʉmʉkꞌãrĩna.

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Marcos 11:17

Maʉ̃nerã miã ũrãgꞌabʉrʉta mawũãsia: ¿Naʉ̃ẽnabemata zhi bꞌʉmata mawũã bꞌʉ ẽka: Mʉ dera zhiwidꞌibadata nʉmʉã adꞌaita jõmaʉ̃ĩtabemata nʉmaña abꞌʉ ẽka? Mawũã bꞌʉdꞌera marãbara nezrʉgamiãrã de babi nʉmʉkꞌãrĩna. (Isaías 56:7)

Lucas 19:10

Mʉ Beubari Bape bꞌʉbara jʉrʉdꞌe zesia ẽdrʉbiita aduadꞌata.

Juan 10:1

Jesúsbara mawũãsia: Mʉã wãrĩnu marãã jaraya: Ovejarãne kꞌorrata nʉmʉ maẽ puertadꞌe edꞌa wãbʉrʉ ẽãrã, awuarabʉrʉ jãpe wãrĩze edꞌa wãbʉrʉra nezrʉgamiã.

Juan 10:11

Mʉrã bigaua ovejarã akʉira. Ovejarã akʉita bigaura beubaria ovejarã kꞌarea.

Juan 12:47

Mʉ bedꞌeata ũrĩpe aribꞌae ẽãrã mʉãrã kꞌawua o ẽã, mʉrã zhãrã kꞌawua oita ze ẽbasi baera naʉ̃ ẽjũãẽna, awuarabʉrʉ mʉrã zesia zhãrã ẽdrʉbigaita ẽjũãne bꞌeta.

Juan 12:6

Judabara mawũã ẽbasia zuburia bꞌeta krĩcha bꞌʉba, awuarabʉrʉ mawũãsia nezrʉgamiãta bꞌʉ baera. Zũbita izha erubꞌʉba zrʉga bꞌasia ãzhi jõmaʉ̃ĩta plata edꞌa kenabꞌari panʉnebemata.

Juan 3:17

Daizezebara zhi Warra naʉ̃ ẽjũãẽna zokꞌa ẽbasia aduabimarẽã ẽjũãne bꞌeta, awuarabʉrʉ zokꞌasia ẽjũãne bꞌera ẽdrʉdꞌamarẽã izhidꞌeba.

Juan 5:40

Maʉ̃ne marã mʉma ze krĩñana ẽã aramaʉ̃ne erubꞌeaira Daizeze ũme bꞌai jõ ẽãta.

Juan 6:33

Pan Daizezedꞌea mʉta ʉ̃treba zedꞌata, mʉãrã Daizeze ũme bꞌai jõ ẽãta dia bꞌʉa ẽjũãne zhãrã bꞌea.

Juan 6:51

Mʉrã panta Daizeze ũme bꞌai jõ ẽãta ʉ̃treba zesia, iabꞌaʉba pan mʉta kꞌobʉrʉra Daizeze ũme bꞌai jõ ẽã bꞌaya. Pan mʉã diabʉrʉra mʉ zharata diaya. Maʉ̃ mʉãrã Daizeze ũme bꞌai jõ ẽãta diaya ẽjũãne zhãrã bꞌea.

Romanos 2:21

Bʉa awʉrʉ ũrãgꞌa bꞌʉta, ¿kꞌãrẽã zhi ũrãgꞌa ẽpe bʉzhikusara? Nezrʉga ẽbaita jara bꞌʉta, ¿kꞌãrẽã nezrʉga bꞌʉ?