Juan 1:51 - Porciones del Nuevo Testamento

⁵¹ Mawũãpe mawũãsia: Mʉã wãrĩnu marãã jaraya, idꞌidꞌeba marãbara ũdudꞌaya bãjã ewa nʉmʉta, ũdudꞌaya ángelerã Daizezedꞌeta wãrĩze bꞌeta udꞌubꞌae bꞌeta mʉ Beubari Bape bꞌʉma.

Juan 1:51 Kruisverwysings

Mateo 25:31

Mʉ Beubari Bape bꞌadꞌata zarea bara zebʉrʉta mʉ ángelerã bawara zebʉrʉdꞌera, zhãrã kꞌawua oita jewedꞌaya mʉ bugue kĩrãwãrẽãne.

Mateo 26:24

Wãrãnebai mʉ Beubari Bape bꞌʉra mʉnebemata bꞌʉ tabꞌʉdꞌe berabꞌari wã, ¡mawũãmina zuburiaya mʉ chãbꞌaribʉrʉra! Biga bakꞌausia maʉ̃ todꞌa ẽbaita.

Mateo 3:16

Jesús buru kꞌoepe doedꞌauba drua wãta taidꞌe, bãjã ewa dogꞌoba Jawurebia Daizezedꞌeta ũdusia pusirã kĩrãkꞌa izhi ʉ̃rʉ̃ uruta.

Mateo 4:11

Mobebʉrʉ ãtõmiãbara Jesús ãmaẽsia. Maʉ̃ne ángelerãta ʉ̃kʉrʉ zepe izhira aribꞌaesidꞌa.

Mateo 8:20

Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.

Mateo 9:6

Kꞌawuaudua, mʉ Beubari Bape bꞌʉbara naʉ̃ druadꞌera zareata erubꞌʉa kꞌazhiruata biodꞌebara zhãrã bedꞌea ne ẽã bꞌʉita. Mawũãpe kꞌakua pira ẽã kꞌaya bꞌʉa mawũãsia: Piradrʉrua, bʉzhi jirabꞌa jiraedarua, mobe dedꞌaa wãrũã.

Marcos 1:10

Maʉ̃ne doedꞌauba drua wãta taidꞌe, bãjã ewa dogꞌota ũdubʉrʉdꞌera Jawurebia Daizezedꞌeta ũdusia pusirã kĩrãkꞌa izhi ʉ̃rʉ̃ uruta.

Marcos 14:62

Mawũãĩ Jesúsbara mawũãsia: Mʉrã izhia. Mawũẽ mʉ Beubari Bape bꞌadꞌara ũdudꞌaya Daizeze zhi zroma juwua araare jewedꞌa bꞌʉta, jãrãrãne uruta ʉ̃treba.

Lucas 2:13

Maʉ̃ daucha ángel bawara ángelerã ʉ̃trebemata kꞌabana zhi ũdubisidꞌa, maʉ̃rãbara Daizeze ibia jara mawũãsidꞌa:

Lucas 2:9

Maʉ̃ne zhi ũdubisia ángel Daizezedꞌeta, mawũẽ Daizeze ʉ̃naba ãzhi pʉrra ʉ̃nasia, mawũẽ kꞌãbãẽã perasidꞌa.

Lucas 22:43

Maʉ̃ne ángel ʉ̃trebemata zhi ũdubisia zareata diaita.

Lucas 22:69

Mawũãmina idꞌidꞌeba mʉ Beubari Bape bꞌʉra jewedꞌaya Daizeze zhi zroma juwua araare.

Lucas 24:4

Maʉ̃ba kꞌawua ẽã krĩcha kꞌobꞌedꞌe, ũmakĩrã ũme ãzhi kꞌaita barabꞌesia wua uruzhiderrea jʉ̃ panʉta.

Lucas 3:21

Juanba zhãrã jõma buru kꞌoekua nʉmʉnerã Jesúsidꞌa buru kꞌoesia. Maʉ̃ne zhiwidꞌi kꞌobꞌʉdꞌe bãjã ewasia.

Juan 1:50

Mawũãĩ Jesúsbara mawũãsia: ¿Mʉrã maʉ̃ta bʉara ĩjãbʉrʉka mʉã bʉra higuera bakuru edre bꞌʉta ũdusia abʉrʉdꞌeba? Maʉ̃ kꞌãñabara bʉara kꞌãrẽ audre waibꞌʉata bio ũduya.

Juan 10:1

Jesúsbara mawũãsia: Mʉã wãrĩnu marãã jaraya: Ovejarãne kꞌorrata nʉmʉ maẽ puertadꞌe edꞌa wãbʉrʉ ẽãrã, awuarabʉrʉ jãpe wãrĩze edꞌa wãbʉrʉra nezrʉgamiã.

Juan 10:7

Mawũẽ Jesúsbara wakusa mawũãsia: Mʉã wãrĩnu marãã jaraya: Mʉta puerta ovejarãneã.

Juan 13:16

Mʉã wãrĩnu marãã jaraya: Nezokꞌara audre zhi zroma ẽã izhi nokꞌo kꞌãñabara, miã zokꞌabuebʉdara audre zhi zroma ẽã izhi zokꞌabuebʉrʉ kꞌãñabara.

Juan 13:38

Mawũãĩ Jesúsbara panaʉ̃ mawũãsia: ¿Bʉta beuika mʉ kꞌarea? Mʉã wãrĩnu bʉaa jaraya: Gallora beru ẽã bʉa mʉta ũdukꞌata jarama ũbea jara ẽwedꞌara.

Juan 14:12

Mʉã wãrĩnu marãã jaraya: Mʉnebemata ĩjã bꞌʉbara mʉã kꞌãrẽ onʉmʉta izhabidꞌa oya. Kꞌãrẽ audre oya mʉta wãĩ baera mʉ Zezema.

Juan 16:20

Mʉã wãrĩnu marãã jaraya, marã jẽgadꞌaya, sopuadꞌaya, waya mʉnebema ẽãta ẽjũãne bꞌera sobiadꞌaya. Mawũãmina marã sopuadꞌaimina marã sopuara sobia baya.

Juan 16:23

Maʉ̃ ewadera marãbara mʉãã widꞌidꞌa ẽã miã kꞌãrẽta. Mʉã wãrĩnu marãã jaraya, jõma kꞌãrẽ mʉ Zezea mʉneba widꞌibʉdara izha marãã diaya.

Juan 21:18

Mʉã wãrĩnu bʉaa jaraya: Bʉ kũrãta bꞌasidꞌera zhope wã bꞌasia bʉzha krĩñama, mawũãmina ya zõrãta bꞌebʉrʉdꞌera bʉra juwua jirabꞌariya, aramaʉ̃ne bʉra awʉrʉba zhobiya, mobe edeya bʉa krĩña ẽãma.

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Juan 3:5

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.

Juan 5:19

Maʉ̃ kꞌarea Jesúsbara mawũãsia: Mʉã wãrĩnu marãã jaraya: Mʉ zhi Warrabara mʉzhikusaubara miã kꞌãrẽta obꞌe ẽã, awuarabʉrʉ mʉ Zezeba obʉrʉta ũdubʉrʉta obꞌʉa, aramaʉ̃ne jõma mʉ Zezeba obꞌʉra mʉ zhi Warrabidꞌa obꞌʉa.

Juan 5:27

Dewara zhãrã kꞌawua oi zareata diasia mʉrã Beubari Bape bꞌʉba.

Juan 6:26

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãbara mʉrã jʉrʉ duanu ẽã sãwũãta kꞌawuasidꞌa baera mʉã odꞌata ũdudꞌakꞌata, awuarabʉrʉ mʉrã jʉrʉ duanuã panta jãwũã kꞌosidꞌa baera.

Juan 6:32

Mawũãnaĩ Jesúsbara mawũãsia: Mʉã wãrĩnu marãã jaraya: Maʉ̃ pan ʉ̃trebema Moiséba dedꞌeka ẽbasia, awuarabʉrʉ dedꞌekasia mʉ Zezeba. Aramaʉ̃ne mʉ Zezebara dedꞌeka bꞌʉa wãrĩnu pan ʉ̃trebemata.

Juan 6:47

Mʉã wãrĩnu marãã jaraya: Mʉnebemata ĩjã bꞌʉbara erubꞌʉa Daizeze ũme bꞌai jõ ẽãta.

Juan 6:53

Mawũãnaĩ Jesúsbara mawũãsia: Mʉã wãrĩnu marãã jaraya: Mʉ Beubari Bape bꞌʉ zharata kꞌodꞌa ẽbʉrʉ, mʉ wata dodꞌa ẽbʉrʉ erubꞌea ẽã Daizeze ũme bꞌai jõ ẽãrã.

Juan 8:34

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya: Kꞌazhiruata obꞌera kꞌazhirua nezokꞌata bꞌea.

Juan 8:51

Mʉã wãrĩnu marãã jaraya: Mʉ bedꞌeata aribꞌae bꞌʉra beukꞌa baya.

Juan 8:58

Mawũãnaĩ Jesúsbara mawũãsia: Mʉã wãrĩnu marãã jaraya: Abraham nawedꞌa mʉrã bꞌʉa.

Hechos 10:11

Ũdusia bãjã ewa nʉmʉta, maʉ̃ne uru basia burubꞌa zroma kĩrãkꞌa bꞌʉta, i kĩmarẽneba tãjʉ̃ uru basia druaedꞌa.

Hechos 7:56

Mawũẽ mawũãsia: Mʉãrã ũdu kꞌobꞌʉa bãjã ewa nʉmʉta, ũdu kꞌobꞌʉa Beubari Bape bꞌadꞌara kꞌobꞌʉta Daizeze juwua araare.