Juan 1:47 - Porciones del Nuevo Testamento

⁴⁷ Jesúsbara Natanael izhi kꞌaita zebʉrʉta ũdui mawũãsia: Akaudua, naʉ̃ wãrĩnu israelitarãã, zhãrã izhara sewa ẽã.

Juan 1:47 Kruisverwysings

Juan 2:25

Aramaʉ̃ne zhãrãnebema jaradꞌaira nesidꞌa ẽbasia, aramaʉ̃ne izhara kꞌau basia sodꞌera zhãrã sãwũã bꞌeta.

Juan 4:16

Mawũãĩ Jesúsbara mawũãsia: Bʉzhi kĩmata trʉ̃ne wãrũã, mobe zeudua naĩnu.

Juan 8:31

Mobebʉrʉ Jesúsbara judíorã izhidꞌebema ĩjãbʉdaa mawũãsia: Marãba mʉ bedꞌeata aribꞌae bꞌebʉrʉ wãrĩnu mʉta pẽwã bꞌea.

Juan 8:39

Mawũãĩ panaʉ̃ mawũãsidꞌa: Dai zezea Abrahamta. Mawũãnaĩ Jesúsbara mawũãsia: Marãta Abraham warrarãbʉrʉ, Abrahamba odꞌata okꞌausidꞌa.

Romanos 9:4

Ãzhira israelitarãta bꞌea, ãzhira Daizezeba zhi warrarã babigadꞌa, izhi kĩrãwãrẽãta ũdubigadꞌa, izha kꞌãrẽ oita jarakꞌadꞌa, izhi ũrãgꞌata Moisédꞌeba dedꞌekadꞌa, izhira sãwũã ibia jaradꞌaidꞌe bꞌʉta kꞌawuabigadꞌa, izha kꞌãrẽ diaita jarakꞌadꞌa.

Romanos 9:6

Mʉãrã jara nʉmʉ ẽã izha jaradꞌara Daizezebara aribꞌae ẽãta. Awuarabʉrʉ jara nʉmʉã Israel bꞌedꞌeba urura Daizezema jõmarã israelitarã ẽãta.