Juan 1:45 - Porciones del Nuevo Testamento

⁴⁵ Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Juan 1:45 Kruisverwysings

Mateo 10:3

Felipeta, Bartolomé, Tomás, Mateo impuesto widꞌi bꞌadꞌata, Jacobo Alfeo warrata, Lebeo ijaramiã trʉ̃ta Tadeota.

Mateo 13:55

¿Naʉ̃ ẽka de obari warrara? ¿Zhi papara María ẽka, zhi mebẽrã Jacobota, Joséta, Simónta, Judata duanu ẽka?

Mateo 2:23

Mawũã wãpe pʉwʉrʉ Nazaret abada maẽ bꞌesia, mawũẽ arimaẽ berabꞌarisia Jesúsdꞌebemata Daizezeba bedꞌeata jarabibarirãba mawũãnapeadꞌata: Izhira Nazaredꞌebema adꞌaya.

Mateo 21:11

Maʉ̃nerã zhãrãbara mawũãsidꞌa: Naʉ̃ Jesústa Daizezeba bedꞌeata jarabibaria, Nazaret pʉwʉrʉdꞌebema, Galilea druadꞌebema.

Marcos 14:67

Maʉ̃ne Pedro tebʉ kꞌã kꞌobꞌʉta ũdui akʉpe mawũãsia: Bʉsidꞌa bꞌasia Jesús Nazaredꞌebema bawara.

Marcos 6:3

¿Naʉ̃ ẽka de obarita María waura? ¿Zhi mebẽrã Jacobota, Joséta, Judata, Simónta duanu ẽka? ¿Zhi nawekꞌaurãsidꞌa nama dazhirãne edꞌa duanu ẽka? Aramaʉ̃ne Jesúsdꞌebema ĩjãna ẽbasia.

Lucas 18:37

Mawũẽ jarasidꞌa berabꞌari wãta Jesús Nazaredꞌebemata.

Lucas 2:4

Maʉ̃ba Joséra Galilea druadꞌeba Nazaret pʉwʉrʉdꞌeba wãrĩzesia Judea druaedꞌa. Rey David todꞌa pʉwʉrʉta Belén abadaidꞌu wãrĩzesia rey Davidꞌeba uruta bꞌasi baera.

Lucas 2:48

Zhibarirãba ũdudꞌai kꞌawua ẽãsidꞌa. Zhi papabara mawũãsia: Wauzake, ¿bʉara daira kꞌãrẽã kꞌãwũã obʉrʉ? Bʉ zezeba mʉ ũmeba bʉra jʉrʉ panʉã sopua.

Lucas 24:27

Mobebʉrʉ Moiséba bꞌʉdꞌadꞌeba, Daizezeba bedꞌeata jarabibarirãba bꞌʉdꞌapeadꞌadꞌeba sãwũãta bia jarakꞌasia. Maʉ̃nerã zhi bꞌʉma jõmaʉ̃neba jarasia izhidꞌebemata jara tabꞌeta.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Lucas 3:23

Jesús miã ũrãgꞌa jʉ̃drʉsidꞌera treinta año bꞌasi kĩrãkꞌa bꞌʉa. Zhãrãbara Jesúra, José warrabi duanasia. Joséra, Elí warra.

Lucas 4:22

Izhi ʉ̃rʉ̃rã jõma bia bedꞌea duanasia, bia akʉdrua bꞌeta izhira bia miã ũrãgꞌa bꞌʉdꞌeba mawũã duanasia: ¿Naʉ̃ ẽka José warrara?

Juan 1:44

Felipera Betsaidadꞌebema basia, dewara maʉ̃ pʉwʉrʉdꞌebema basia Andrésta Pedrota.

Juan 12:21

Maʉ̃rãbara Felipeta orrasidꞌa, Felipera Betsaida pʉwʉrʉdꞌebema basia, maʉ̃ pʉwʉrʉra Galilea druadꞌebema, mawũã orradꞌape zuburia bedꞌea mawũãsidꞌa: Daibara ũdu krĩña panʉã Jesústa.

Juan 14:8

Mawũãĩ Felipeba mawũãsia: Nokꞌó, daia ũdubigarua bʉ Zezeta, daira bari maʉ̃baa.

Juan 18:5

Mawũãĩ panaʉ̃ mawũãsidꞌa: Jʉrʉ panʉã Jesús Nazaredꞌebemata. Mawũãnaĩ Jesúsbara mawũãsia: Mʉta izhia. Ãzhi bawara kꞌobꞌasia Judasidꞌa Jesús chãbꞌariita.

Juan 18:7

Jesúsbara wakusa widꞌi mawũãsia: ¿Kꞌaita jʉrʉ panʉ? Mawũãĩ mawũãsidꞌa: Jʉrʉ panʉã Jesús Nazaredꞌebemata.

Juan 19:19

Kꞌãrẽã beadꞌaita Pilatobara bꞌʉpe cruzdꞌe jirabꞌidꞌapʉta mawũã bꞌasia: Jesús NAZAREDꞌEBEMA Rey judíorãneã.

Juan 21:2

Ãba duanasia Simón Pedrota, Tomás Memerã abadata, Natanael Caná pʉwʉrʉdꞌebemata, maʉ̃ pʉwʉrʉra Galilea druadꞌebema, dewara Zebedeo warrarãta, dewara ũme Jesúsba jʉrʉkuadꞌata.

Juan 6:42

Maʉ̃nerã mawũãsidꞌa: ¿Naʉ̃ Jesúra José warra ẽka? Zhi Zezera, zhi papara dazhirãbara ũdukꞌawua bꞌea. ¿Maʉ̃ta sãwũã naʉ̃bara izhira ʉ̃treba zedꞌa abʉrʉ?

Juan 6:5

Jesúsba akʉbʉrʉdꞌera ũdusia kꞌabanata izhi kꞌaidꞌu bꞌeta, mawũẽ Felipea mawũãsia: ¿Zhiko sãma edadꞌaipe naʉ̃rãta nekꞌodꞌamarẽãrã?

Juan 6:7

Mawũãĩ Felipebara panaʉ̃ mawũãsia: Ewari dociento trajadꞌaba denario docientoba pan edabʉrʉsidꞌa arabꞌae ẽã naʉ̃rãta abꞌa abꞌakꞌa wĩkabidꞌa nekꞌobigaira.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 2:22

Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.

Hechos 22:8

Mawũãĩ mʉãrã panaʉ̃ mawũãsia: ¿Bʉra kꞌaipe Nokꞌó? Mʉã mawũãĩ mawũãsia: Mʉrã Jesús Nazaredꞌebema, maʉ̃ta bʉa pẽwã bꞌʉa.

Hechos 26:9

Wãrãnebai mʉãrã ne jõma oita krĩchasia Jesús Nazaredꞌebemane ĩjã bꞌera kiaweita.

Hechos 3:6

Mawũãmina Pedrobara mawũãsia: Mʉrã plata ne ẽã, miã oro ne ẽã. Mawũãmina mʉã erubꞌʉta diaya: ¡Jesucristo Nazaredꞌebema trʉ̃neba piradrʉpe nimibarua!