Juan 1:41 - Porciones del Nuevo Testamento

⁴¹ Andrésbara naara zhi mebea Simónta jʉrʉ wãpe ũdui mawũãsia: Daibara ũdusidꞌa zhãrã Ẽdrʉbira.

Juan 1:41 Kruisverwysings

Mateo 1:23

Ãwũẽrã zhi aduagꞌaita bꞌiogꞌoape zhũmakĩrãta toya, maʉ̃ Emanuelta trʉ̃gadꞌaya. Maʉ̃ trʉ̃bara mawũã bꞌʉa: Daizezera dazhirã ũme bꞌʉa. (Isaías 7:14)

Lucas 2:17

Mawũã ũdudꞌai nebʉrʉsidꞌa ángelba jaradꞌata wũãwũãnebemata.

Lucas 2:38

Maʉ̃sidꞌa Simeón kꞌobꞌʉdꞌe zepe zhibia jisia Daizezea, mobe wũãwũãnebemata jõmaʉ̃ã jarakꞌasia ãzhi ẽdrʉbigaita jʉ̃ã bꞌea Jerusalénne.

Juan 1:45

Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Juan 4:25

Mawũãĩ wũẽrãbara mawũãsia: Mʉã kꞌawua bꞌʉa zhãrã Ẽdrʉbiira zeita, izhi zebʉrʉdꞌera daia bia jarakꞌaya ne jõma.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 4:27

Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.