Juan 1:30 - Porciones del Nuevo Testamento

³⁰ Naʉ̃ta jarabʉrʉta mʉãrã mawũãsia: Mʉ tẽã urura mʉ audre zhi zroma mʉ nawedꞌa bꞌadꞌaba.

Juan 1:30 Kruisverwysings

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Lucas 3:16

Maʉ̃ne Juanbara jõmaʉ̃ã mawũãsia: Mʉãrã wãrãnebai marã baniãba buru kꞌoe bꞌʉa. Mawũãmina mʉ audre zhi zromata zeya, nezokꞌaba obari kĩrãkꞌara mʉãrã ẽnaĩne bꞌʉ ẽã maʉ̃ba jẽrũne jʉ̃ bꞌʉra. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Juan 1:15

Juanbara izhidꞌebemata mawũãsia: Naʉ̃ jarabʉrʉta mʉãrã mawũãsia: Mʉ tẽã urura mʉ audre zhi zroma mʉ nawedꞌa bꞌadꞌaba.

Juan 1:27

Maʉ̃ mʉ tẽã urua, izhira mʉ audre zhi zroma, nezokꞌaba obari kĩrãkꞌara mʉãrã ẽnaĩne bꞌʉ ẽã izha jẽrũne jʉ̃ bꞌʉra.

Juan 1:31

Jesús kꞌaira mʉãrã kꞌawua ẽbasia, mawũãmina Israel bꞌeba ũdukꞌawadꞌamarẽã mʉãrã zhãrãta buru kꞌoe zebʉrʉa baniãba.

Juan 10:41

Maʉ̃nerã bio izhima ze nʉmʉbara mawũã duanasia: Ũdudꞌakꞌara Juanbara o ẽbasia, mawũãmina naʉ̃ Jesúsdꞌebemata Juanba jaradꞌara jõma wãrĩnu basia.