Juan 1:18 - Porciones del Nuevo Testamento

¹⁸ Daizezera miõba ũdukꞌa, mawũãmina zhi Warra abꞌa bꞌʉta zhi Zeze ũme bꞌʉba dazhirãã kꞌawuabisia sãwũã bꞌʉta.

Juan 1:18 Kruisverwysings

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Lucas 10:22

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, awuarabʉrʉ kꞌawua bꞌʉa mʉ Zezebʉrʉ. Miõba kꞌawua ẽã mʉ Zezedꞌebema, awuarabʉrʉ kꞌawua bꞌʉa mʉ zhi Warrabʉrʉ. Mawũẽ mʉ zhi Warraba kꞌawuabi krĩñabʉrʉara kꞌawuabiya.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Juan 12:41

Isaíabara maʉ̃ta jarasia kꞌãĩmokꞌaradꞌe kĩrãkꞌa ũdudꞌaba Jesús zhi zromata bꞌaita, mawũẽ jarasia izhidꞌebemata.

Juan 13:23

Izha jʉrʉkuadꞌata abꞌa Jesúsba kʉãgꞌata kꞌobꞌasia Jesús kꞌaita.

Juan 14:9

Mawũãĩ Jesúsbara mawũãsia: ¿Mʉrã marã bawara bꞌʉta ewari bio bata, bʉa mʉrã ũdukꞌawa ẽka Felipe? Mʉta ũdu bꞌʉbara mʉ Zezeta ũdu bꞌʉa, ¿maʉ̃ta bʉara sãwũã mawũãbʉrʉ: Daia ũdubigarua bʉ Zezeta?

Juan 17:26

Mʉãrã bʉdꞌebema kꞌawuabigadꞌata ãmaña kꞌawuabigaya. Aramaʉ̃ne bʉa mʉta kʉãgꞌa kĩrãkꞌa ãzhirãĩnu zhiya kʉãgꞌa bꞌeamarẽã, aramaʉ̃ne mʉrã ãzhidꞌe bꞌaya.

Juan 17:6

Ẽjũãne bꞌeta bʉa mʉãã diadꞌata bꞌea mʉãrã bʉdꞌebema kꞌawuabiga nʉmʉã, ãzhira bʉre basia, maʉ̃ta bʉa mʉãã dedꞌekasia, ãzhara aribꞌae bꞌea bʉ bedꞌeara.

Juan 3:11

Mʉã wãrĩnu bʉaa jaraya, daibara kꞌãrẽ kꞌawua bꞌeta jarabada, kꞌãrẽ ũdudꞌata jarabada, mawũãmina marãbara ĩjãna ẽã daiba jara bꞌera.

Juan 6:46

Mʉã maʉ̃ta jarabʉrʉ ẽã iabꞌaʉba mʉ Zezeta ũdudꞌaba, awuarabʉrʉ mʉta Daizeze maẽba zedꞌabʉrʉ mʉãbʉrʉ ũdubaria mʉ Zezera.