Hechos 3:22 - Porciones del Nuevo Testamento

²² Dazhirã zhibarirã bꞌeadꞌaa Moisébara mawũãsia: Nokꞌo marã Zhibaribara marãne edꞌauba piradrʉbiya izha bedꞌeata jarabibarita mʉ kĩrãkꞌa. Jõma ũrĩũdua izha marãã jarabʉrʉra.

Hechos 3:22 Kruisverwysings

Mateo 21:11

Maʉ̃nerã zhãrãbara mawũãsidꞌa: Naʉ̃ Jesústa Daizezeba bedꞌeata jarabibaria, Nazaret pʉwʉrʉdꞌebema, Galilea druadꞌebema.

Lucas 13:33

Mʉrã idꞌi, nu, nungunu odꞌe wã Jerusalén wãta, Daizezeba bedꞌeata jarabibarira ãĩrã beadꞌa ẽbaera mʉrã beadꞌaya Jerusalénne.

Lucas 24:19

Mawũãnaĩ izhara mawũãsia: ¿Kꞌãrẽta sãwũãsi? Mawũãĩ ãzhara mawũãsidꞌa: Jesús Nazaredꞌebemata Daizezeba bedꞌeata jarabibarita bꞌasia. Kꞌãrẽ oita bedꞌeata jaraita zhi zroma basia Daizeze kĩrãbita, zhãrã jõmaʉ̃ kĩrãbita.

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.

Juan 12:46

Mʉta ʉ̃nata zesia naʉ̃ ẽjũãẽna, mʉnebema ĩjãbʉdara pãrĩguadꞌe bꞌea ẽbamarẽã.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Juan 8:12

Wakusa Jesúsbara zhãrã kꞌobꞌea mawũãsia: Mʉrã ʉ̃nata bꞌʉa ẽjũãne bꞌerãĩta, mʉta pẽwã bꞌʉra pãrĩguadꞌe nimiba ẽã, awuarabʉrʉ ʉ̃nata erubꞌaya Daizeze ũme bꞌai jõ ẽãta.

Hechos 7:37

Maʉ̃ Moisébara Israelirãã mawũãsia: Nokꞌo marã Zhibaribara marã ʉredꞌebemata izha bedꞌeata jarabibarita piradrʉbiya mʉ kĩrãkꞌa. Maʉ̃ bedꞌeara ũrĩũdua.

Romanos 8:3

Moisé ũrãgꞌabara ẽdrʉbi bꞌe ẽãba, zharabara ẽdrʉbi bꞌe ẽãba Daizezebara zhi warrata zokꞌasia dazhi kꞌãwũ zharadꞌe kꞌazhirua omiã zadꞌe. Mobe dazhi kꞌazhiruabari beubibʉrʉba kꞌazhiruadꞌebara ẽdrʉbisia, aramaʉ̃ne kꞌazhiruara beasia dazhi kꞌãwũ zharadꞌeba.

Romanos 9:5

Ãzhira Abrahamneba, Isaacdꞌeba, Jacobodꞌeba uruta bꞌea, ãzhidꞌeba naʉ̃ zharadꞌe zesia Cristora, izhira Daizezeta ne jõmaʉ̃ ʉ̃rʉ̃ bꞌʉa, mawũẽ ewari nʉmʉ jõma ibia jaradꞌaya. Amén.