Hechos 13:1 - Porciones del Nuevo Testamento

¹ Mebẽrã Antioquía pʉwʉrʉdꞌe bꞌe maẽ bꞌeasia Daizezeba bedꞌeata jarabibarirãta, miã ũrãgꞌabadata: Ãzhira bꞌeasia Bernabéta, Simónta, Simón abꞌaʉta Níger basia, Lucio Cirene pʉwʉrʉdꞌebemata, Manaén rey Herode ũme waridꞌata, Saulota bꞌeasia.

Hechos 13:1 Kruisverwysings

Mateo 27:32

Jerusalénneba ãĩ wãbʉdadꞌera ũdusidꞌa Cirene pʉwʉrʉdꞌebemata Simón abadata, maʉ̃ã zareadꞌe ataubisidꞌa Jesúsba cruz a wãta.

Lucas 3:1

Tiberio César Romanebema reyta bꞌʉta quince año babʉrʉdꞌera nokꞌorã izhi edre bꞌeta Poncio Pilato nokꞌota bꞌasia Judea druadꞌe, Herode reyta bꞌasia Galilea druadꞌe, zhi mebea Felipe nokꞌota bꞌasia Iturea druadꞌe, dewara Traconite druadꞌe. Lisania nokꞌota bꞌasia Abilinia druadꞌe.

Hechos 11:30

Mawũã obʉdara nokꞌorã mebẽrãnema diabuebʉdata edebisidꞌa Bernabéa, Sauloa.

Hechos 12:25

Bernabébara Saulobara ãzha kꞌãrẽ oi bꞌʉra aribꞌaedꞌape Jerusalénnebara jẽrũya wãsidꞌa, maʉ̃nerã ãzhi bawara edesidꞌa Juanta, maʉ̃ abꞌaʉta Marco basia.

Hechos 13:9

Mawũẽ Saulo abꞌaʉta Pablobara Jawurebiaba bira bꞌʉba akʉ,

Hechos 15:32

Judara Silara Daizezeba bedꞌeata jarabibarirãta panʉba soidꞌu bꞌeamarẽã mebẽrã ũrãgꞌasidꞌa bedꞌeata bioba.

Hechos 15:35

Pablora Bernabéra ari Antioquíadꞌe panʉba Nokꞌo Daizeze bedꞌeata, Jesúsdꞌebema bedꞌea biata jara panasia awʉrʉrã bio bawarauba.

Hechos 19:6

Maʉ̃ne Pabloba juwua ãzhi ʉ̃rʉ̃ bꞌʉbʉrʉdꞌera ãzhidꞌe zesia Jawurebiara. Mawũẽ bedꞌea awuara bedꞌeasidꞌa, Daizezeba jarabibʉrʉsidꞌa jarasidꞌa.

Hechos 21:9

Izhara miã zagꞌairãta kꞌaurãta kĩmarẽ erubꞌasia Daizezeba bedꞌeata jarabibarirãta.

Hechos 4:36

Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia.

Hechos 9:1

Saulobara Jesús pẽwã bꞌera beakuaita waragꞌa nʉmʉba zesia sacerdote wagꞌauma.

Romanos 16:21

Marãã saludo diabuea Timoteoba, izhira mʉ kĩrãkꞌa Cristodꞌebema kꞌaudꞌa bꞌʉa, mʉ ʉrerãbidꞌa saludo diabuebʉda Lucioba, Jasónba, Sosípaterba.