Pɔpuɔr. 20:1 - Diiloŋ-nelma Tobisĩfɛlɛnni

¹ Ijieŋ daaniŋ juɔ bãl, Pol wuɔ tigiiŋ Diiloŋ-dũŋ-baamba‑i a dii sirɛiŋa bɛi, aa cãrã hũmelle‑i ba wulaa a ta tuɔ kã Maseduɔni.

Pɔpuɔr. 20:1 Kruisverwysings

Pɔpuɔr. 11:26

Uŋ kaa da-yo, wuɔ ce ba bir kã Ãntiyɔsi‑i-na ka tĩɛna ce benfifille baa Diiloŋ-dũŋ-baamba‑i. Ba hãalãayã nuɔmba bɔi Diiloŋ-hũmelle‑i terieŋgu-na. Ba duɔŋ Ãntiyɔsi yaa nuɔ‑i ta ba bĩ Diiloŋ-dũŋ-baamba‑i «Kertĩɛbaa-ba‑i».

Pɔpuɔr. 16:12

Iŋ siire terieŋgu-na, yiɛ kã Filipu ka tĩɛna da yinni terieŋgu faŋgu-na. Filipu yaa waa nebuɔ‑i Maseduɔni‑i-na. *Oromɛbaa-ba'i waa tĩɛna terieŋgu-na.

Pɔpuɔr. 16:9

Isuɔŋgu naŋgu-na, Pol wuɔ dãnsã da Maseduɔniyiɛŋo naŋo juɔ ji yiɛra tuɔ cãrã-yuɔ wuɔ u kã ka kãyã-bɛi dii Maseduɔni‑i-na.

Pɔpuɔr. 19:21

Ku huoŋgu-na, Pol wuɔ ji cira u ka cor kã *Yerusalɛmu. Ŋga aa suɔ duɔ kã Yerusalɛmu‑i-na, u ka cor Maseduɔni igɛ̃na baa Akayi. U taa u bi piiye wuɔ duɔ hi Yerusalɛmu‑i, u saaya u bi kã *Ɔrɔmu.

Pɔpuɔr. 20:10

Pol wuɔ hiire pãŋ jo ji tũu-yo aa naa cira: «Baa na tie holle, uu dii cicɛ̃lma!»

Pɔpuɔr. 20:2

Uŋ kaa hi, wuɔ tuɔ waŋ Diiloŋ-nelma‑i baa tobimba‑i u dii sirɛiŋa bɛi u kã, ka hi Girɛsi.

Pɔpuɔr. 20:3

Uŋ hii Girɛsi‑i wuɔ tĩɛna ce caamba siɛi. Ku huoŋgu-na, u ji tuɔ taara u biɛ baatoŋo‑i kã Siiri. Baa gbuya-yuɔ wuɔ *Yuifubaa-ba taara-yuɔ baa wɛima. Wuɔ yaŋ baatoŋo‑i aa naa bir hel Maseduɔni yaŋga.

Pɔpuɔr. 20:37

Baŋ juɔ ta ba jaal-o aa u duɔ ta, baa naŋ yuŋgu hiere ta ba kaal.

Ɔrɔmutaamba sɛbɛ 15:19

U ciɛ-ma baa himma baa gbɛrɛ. U ciɛ-ma baa Diiloŋ-Yalle fɔ̃ŋgũɔ yaa‑i. Ku ciɛ dumɛi mi gbuo terni‑i hiere baa Kirsa Neldɔdɔlma‑i, a doŋ dii *Yerusalɛmu, jo ji hel baa Iliri nilɛiŋa‑i hiere.

Ɔrɔmutaamba sɛbɛ 16:16

Taa na jaal na-naa fafamma ŋaa cɛduɔŋ-bieŋ namaa. Bamaŋ dii Kirsa horre-na hiere ba pãa-na jaaluŋgu.

Korɛ̃ntitaamba sɛbɛdĩɛlãŋo. 16:20

Diiloŋ-dũŋ-baamba maŋ dii hiere bande‑i-na, ba jaalaa-na. Taa na jaal na-naa fafamma ŋaa cɛduɔŋ-bieŋ namaa.

Korɛ̃ntitaamba sɛbɛdĩɛlãŋo. 16:5

Mi ka kã Maseduɔni aa suɔ cor kã na wulaa.

Korɛ̃ntitaamba sɛbɛhãalĩŋo 13:12

Taa na jaal na-naa fafamma ŋaa cɛduɔŋ-bieŋ namaa. Diiloŋ-dũŋ-baamba‑i hiere ba pãa na jaaluŋgu.

Korɛ̃ntitaamba sɛbɛhãalĩŋo 7:5

Na saa da, iŋ juɔ Maseduɔni‑i-na i saa da tuoleŋ-muntĩɛnammu. I ciɛ mulĩɛma‑i ma sĩnni-na hiere: I bigãarãamba siɛ yaŋ-ye, korma siɛ tiraa yaŋ-ye.

Tesaloniketaamba sɛbɛdĩɛlãŋo 5:26

Taa na jaal tobimba‑i hiere fafamma ŋaa cɛduɔŋ-bieŋ namaa.

Timote sɛbɛdĩɛlãŋo 1:3

Mi tamma-na da mi kã Maseduɔni‑i-na, mii naa hi dii sirɛiŋa niɛ wuɔ ŋ tĩɛna Efɛsi‑i-na ŋ yiɛra bamaŋ waaŋ Diiloŋ-nelma‑i baa coima‑i.