Números 14:22 - Kaxinawá Bíblia (BR)

²² Egito inũ hanu tsua hiweabuma anushũ ẽ kushipa inũ hawẽ unãmati dami betsa betsapa ẽ ma hatu uĩmabiakubirana uĩbiakĩ hawẽtsaĩs ea unãti wanũ ishũ ẽ yunuti hãtxa txibãkatsi ikama ikubirãkanikiki.

Números 14:22 Kruisverwysings

Gênesis 31:41

Haska tenekubaini mia dayashuni 20 ano mĩ mae anu ẽ hiweshinaki. Hanua 14 ano mĩ aĩbu bake dabe binũ ika hamẽ ea ẽ dayama ikũkainiki. Hanua ana 6 ano mĩ inabu bi ẽ mia dayashũkũkaĩshinaki. Ẽ mia dayashunaya betsa tibi mĩ ea maewashũkubaĩmiski, ea hawẽ pakakinã.

Êxodo 14:11

Moisés hãtxa txakabuwakĩ yuikĩ: —Egito nawabũ nuku tenanũ ika bekanikiki. Hari Egito anua nũ mawa hani nuku mai watirubumakẽ nenushũ nuku tenanũ, iwanã, mĩ nuku tashnimabirashinamẽ, tsua hiweabuma anushũ nuku tenã bestinũ ikarã?

Êxodo 15:24

ha hene mukahairakẽ Moiséski sinatakĩ ana yuãkĩ: “Ũpash manutxakayamakĩ nũ hania akai?” ikaibũ

Êxodo 16:2

hanua bunihairakĩ hune Moisés inũ Arãoki sinatakĩ habũ yuãkĩ

Êxodo 17:2

ana Moiséski ha ikĩ yuikĩ: —Ũpash nuku inãriwe, nũ anunã— akãwãbu Moisĩ hatu yuikĩ: —Haskai mã eki ha ikai? Haskakĩ Senhor nukũ mekenika Deus mã unãti wai?— hatu wa

Êxodo 17:3

nĩkabiatã yurabũ ũpash manuhairakĩ Moiséski ana ha ikĩ yuikĩ: —Haskakĩ nuku ũpash manumakĩ nuku inũ nukũ bakebu inũ nukũ inabu debu wanũ, iwanã, nuku bika wakĩ: “Bunãkãwẽ”, akawãkĩ Egito anua mĩ nuku iweimamẽ?— akubaunabu

Êxodo 17:7

Israelĩ enabu ha ikaibuwẽ taeshũ ha mae anu ũpash tuea Moisĩ kenakĩ: “Meribáki”, atã ha dikabi Senhor Deuskiri yurabũ Deus unãti wakĩ yuikĩ: “Senhor Deusũ nuku merabewaimẽkaĩ. Danãkĩ nuku merabewamaraka”, ikaibuwẽ taeshũ habias mae Moisĩ kenakĩ: “Massáki”, anikiaki.

Êxodo 32:1

ha 40 shaba binukaini mati anua Moisés yane buturiamakẽ Israelĩ enabũ uĩ Arão anu hunibus bua haki itxashũ yuikĩ: —Ha Moisĩ Egito anua hatũ nuku tashnimabiranimarã, haskashinamẽ? Nũ unãmaki. Haskakenã, nukũ mekenika yushĩ betsabu wakĩ nuku dami washũwẽ, hau hatũ iyukĩ nuku bebushũbainũbunã— akabu

Êxodo 5:21

hatuki sinatakĩ habũ yuikĩ: —Nuku bika tenemakĩ hau nuku tenãshanũbũ hawenabu Faraó nukukiri txakabu shinãmakĩ mã hatu nukuki sinatamaii. Mã haska waiwẽ taeshũ Senhor Deusũ matu unãti watã hau matu kupishanũwẽ— hatu watã tashnibainaibũ

Isaías 42:20

Ẽ betsa betsapa matũ berubi ẽ ashuaĩ uĩbiakubirani ha shinãkĩ mã uĩkatsi ikabumaki. Nĩkabiakĩ mã hawa nĩka pewabumaki.

Malaquias 3:15

Hakia nukũ hatu uĩkinã, habu ibubis keĩ benima bestiaibu nũ uĩmiski. Ha inũ, hunibu txakabubiakĩ mabu mirima itxawakĩ bikubaĩmisbuki. Habunã, Deusũ hau ea kupinũ, iwanã, unãti wamabiabu hawa Deusũ hatu kupiai meriabumaki’, ikĩ mã shinãkubaĩmisbuki”, hatu wanikiaki.

Números 11:1

Shaba betsatiã bika tenekubaini hune Senhor Deuski ha ikaibũ Senhor Deusũ hatu nĩkai hatuki sinatahairakĩ hatũ tari hiwe pũtebaunabu dapi txi here dekutã putabaunaya

Números 11:4

Yura betsa betsapa shuku betsa Egito anua hatube pashai beimabu Israelĩ enabube hiwekubirani piti pepa bestikiri shinãkubiranaibũ atimas Israelĩ enaburi hatubetãs shinã txakai kashai yuinamekĩ: “Uatiã nũ pimis keska tsuã nuku nami inãpainũ nũ pĩtsi ikaii.

Números 12:1

Moisĩ Etiópia nawa aĩbu aĩwãshĩkẽ hawẽ taeshũ ha aĩbu danãkĩ Moisĩ pui Miriã inũ hawẽ betsa Arãonẽ Moiséskiri hãtxa txakabukĩ

Números 14:11

Senhor Deusũ Moisés besti ana yuikĩ: —Ea danãkubaĩkĩ henekatsi ikabumaki. Hawẽ unãmati dami itxapa ẽ hatu uĩmabiakubirana ea ikũwãkatsi ikabumariki.

Números 14:2

penaya dasibi Israelĩ enabu Moisés inũ Arãoki sinatai hãtxa txakabu hatukiri yuikĩ: —Egito anua nũ mawai pe ikeanimaki. Hamẽ hanu tsua hiweabuma anua mawa nũ periakeanaii.

Mateus 4:7

ana Satanás nemakĩ Jesusũ yuikĩ: —Haska kenenibu mĩ dama ea yuiai ikũbiakẽ ana betsa ẽtseri mia yuinũ nĩkawe: “Matũ mekenika yushĩ Deus unãti wayamakãwẽ”, iwanã, kenekĩ yusĩrianiwẽ taeshũ mĩ ea ana yunuairã, ẽ ikamaki, ixtxuirã— aka

1 Coríntios 10:5

Haska wakĩ Deusũ nai anua pitiwẽ inũ ũpashwẽ hatu duawabia hawẽ hãtxa nĩkabumawẽ taeshũ eskarabes pepabu danãmabia itxapabuki sinatakĩ hanu hiweabumanu hatu ima atãbaunaya Egito anua kaĩnibu huni ewabus debui keyukubainibukiaki.

1 Coríntios 10:9

Ha inũ, hatiritũ Moisés ha akĩ Deus unãti wakĩ yuikĩ: “Haskakĩ mĩ nenu nuku iweima ikai?” iwanã, yuikĩ: “Piti hayamaki. Ũpash hayamaki. Ha inũ, piti nai anuarã, nismaki”, iwanã, Deus unãti waibũ dunu mirima Deusũ hatu pima debunibukiaki. Haskanibu keskakĩ nukũri Cristo unãti wayamanãkãwẽ, mesekirã.

Hebreus 3:9

Ha inũ, hanu tsua hiweabumanushũ ẽ kuxipawẽ hatu e imakĩ unãmati dami 40 ano ẽ hatu ima atãbiranai uĩbiakĩ ẽ hãtxa nĩkama ea unãti wakĩ matũ shenipabũ ea sinatamakubaunibuki.