Gênesis 41:17 - Kaxinawá Bíblia (BR)

^17-24 —Ẽ usha ẽ namashinairã, ẽ eska shinaiĩ. Hene Nilo kesha ka nishũ ẽ uiãyã 7 ina awa shua hawẽruahaira hene meranua neshekebirã basi piaibũ hanua txipu habiatiri haska Egito anua awa ẽ uĩsma atimapa imanahaira mapekeriabirã ha ina awa shuahaira pikĩ keyubiatã hawa ana shuama dasibi habiaskas imana atimapa mapuabu uĩkubirã ẽ besteã ishĩ hanua ana ushakaĩ ana nama betsa uĩkĩ eska ẽ uĩshinaii. 7 shekiwã hawẽ shai bestitxaiki ewai hawẽ bimi ewapabu hawẽrua meshkã dakakẽ hanua txipu shai betsa habiatiri estekiria niwe itxapa bekĩ shana waya kaĩbirã hawẽ bimi shepã bimi ewapabu sheakĩ keyuaibũ bestẽtã bika tenekĩ penaya huni mukayabu ẽ hatu kena beabu ẽ namashinai ẽ hatuki txanibia tsuã taska unãkĩ shabakabi ea yui pewabuma ẽ iki ikaii— aka

Gênesis 41:17 Kruisverwysings

Gênesis 41:16

José kemakĩ: —Peki, haska mĩ ea yuiairã. Emebi ẽ unãmatirumaki. Hakia mĩ nukũ shanẽ ibuhaira ẽ mia yuinũ ẽ mekenika Deus kushipa dasibi binuatũ ea unãma ẽ miki txanitiruki, ewẽ taeshũ hau mia merabewanunã. Mĩ haskara uĩ namashini ikimẽkaĩ ea yuiwe— aka