San Mateo 5:25 - Manitanati Tuparrü

²⁵ ‛Arrtü ebeca ümoti quiatarrü y aecatü uiti esa nüriacarrü, arrtü tabaca isiu cutubiurrü, anqui püanaquiti marrimiacatarrü, tapü aiñatai uiti esati yüriaburrü. Itopiqui arrti caüma itorrimianatiyü mecu masortaboca y arrüma caüma iñanamacü au preso.

Manityanati Tupax

²⁵ “Axtɨ anati naki ityomonɨ esati yɨriabux, aiña chepe nakionko aɨbuti apachesio kausane apixhimiaka tato aumeampatoe, tapɨ aɨkatɨ uiti esati naki bakuxtarabo aume. Tyopiki axti maniki yɨriabux tyonenti kaɨma ityoximianatiyɨ meku masortaboka uimia kaɨma aiñamanamakɨpo.

San Mateo 5:25 Kruisverwysings

San Mateo 26:58

Arrti Pedro sürotitü isiuti Jesús auqui icheatai. Iñataiti au manu nusuara esa niporrti maniqui yarusürürrü sacerdoterrü. Acamanu tümonsoti esa bama policiarrü na atusi ümoti isane pasabobo ümoti Jesús.

San Lucas 18:3

Au manuinqui pueblurrü ane ito taman paürrü biurarrü. Sürotü esati maniqui yacurrtarrü, nauqui uraboi arrüna chürüri isucarüti, nauquipü acurrtati aübuti maniqui nesarrü enemigorrü.

2 Corintios 6:2

Arrti nanti sane: Ñoncoi napeanca au manu nanenese nesa macunusüancacarrü. Rrayuraca aume au manu nanenese arrüna auche itaesümunucama macrirrtianuca. Amasasai nurria, masaruquitaiqui, itopiqui caüma usaca au na nanenese nesa macunusüancacarrü. Tone arrüna nanenese auche ataesübuma macrirrtianuca eanaqui nomünantü uiti Tuparrü.

Hebreos 12:17

Manrrü ñana rranrrtipü tatito ümo ñacunusüancacarrti yaütoti, pero chütorrioquipü ümoti. Chauqui chüpuerurrütipü acampiati arrümanu mapaventecacarrü uiti. Tarucu nirrancarrti aicampianenti, hasta areoroti iyo, pero chüpuerurrüpü.

Hebreos 3:13

Caüma arrüba naneneca urria ñaquioncorrti Tuparrü oemo. Sane nauquiche apanita nurria aupuapatoe naneneca. Sane nauqui tapü anati naqui chirranrrpü oncoiti, itopiqui arrüna nomünantü ane auti.

Hebreos 3:7

Ane corobo sane nurarrti Espíritu Santo: Caüma arrüna nanenese, arrtü amoncoi nurarrti Tuparrü,