Apocalipsis 14:11 - Manitanati Tuparrü

¹¹ Arrümanu nausi carrticurrü uiti Tuparrü sürotü ape, champü nitacüru nausiquirri. Chümacansarapüma naneneca y tobiquia. Tone taquisürücürrü ümo bama manaunu ümo manu numuquianrrü y ümo manu santurrü. Tone ito taquisürücürrü ümo bama yasutiuma arrümanu nicoro nüri manu numuquianrrü.

Manityanati Tupax

¹¹ Axɨmanu nausi pes uiche atakisɨrɨti ñana champɨ nityakɨru niyɨkɨx ape, tyopiki axɨbama manaunuma ɨmo axɨmanu numukianx ɨmointyo nausɨpɨtux, axtɨ anentyo nikoro nɨrixh kɨtɨpɨti, champɨ nityakɨru nityakisɨrɨkɨxti au sapes takanaintyo au tobixh.”

Apocalipsis 14:11 Kruisverwysings

San Mateo 11:28

Ausiapata tauna yesañü namanaiña bama batachebo ui tarucu penarrü aboi, y ui napacoconauncu ümo bacüpucuca. Apacansa.

San Mateo 25:41

‛Auquito caüma sucanañü ümo bama aboma au nepau niñe: “Apaquicho auquina yesaquiñü, arraño bama tarucu nomünantü aboi. Amecosi au infierno eana pese arrüna champü nitacürurrü. Chauqui tacomorabo icümenuti choborese y arrübama ito nesarrti angelerrü.

San Mateo 25:46

Sane nauquiche caüma süromatü ümo carrticurrü arrüna champü nitacürurrü. Tapü arrübama isamutema isiu nirrancarrti Tuparrü tücañe, tonema bama süromatü au napese auna cauta champü nitacüru süboriquirri.

Hebreos 1:8

Tapü ümoti Cristo naqui Aütorrti Tuparrü ane quiatarrü manitacarrü corobo. Natü sane: Arrücü Tuparrücü. Chüpuerurrüpü atacüru nüriaca. Arrüna nüriaca ümo macrirrtianuca urria nurria.

Apocalipsis 11:15

Auqui arrti maniqui tacürurrü ángel ipunutatito caüma nesarrti cornetarrü. Rabotio tosibiquia auqui napese, munantü sane: Nanaiña caüma nüriacaca icuqui cürrü omeno iquiana nüriacarrti Tuparrü y arrti Cristo. Champü nitacüru nüriacarrti.

Apocalipsis 13:12

Ane ito nüriacarrü isiatai tacana manu primer numuquianrrü cuatanene eanaqui turrü. Bacüpuru ümo bama bavivico icu cürrü, tari iñanaunama manu primer numuquianrrü, arrümanu obürio ümo tücañe, pero urriante tato.

Apocalipsis 13:15

Torrio ümo manu segundo numuquianrrü nauqui uirri puerurrü asübori y anita arrümanu santurrü. Taborioma uirri namanaiña bama chümanaunupü ümo manu santurrü.

Apocalipsis 13:17

Arrübama champü nicororrü apüma, chüpuerurrüpü acomporama ni apaventecapüma. Arrümanu nicororrü tone nüri manu primer numuquianrrü. Tone nesarrü número ümo nürirri.

Apocalipsis 14:9

Auqui cuati quiatarrü ángel, tosibicotito nurria, nanti sane: —Arrübama manaunuma ümo manu numuquianrrü y ümo manu santurrü y arrübama yasutiuma manu nicororrü icutama o apü neherrüma,

Apocalipsis 18:18

—Champü quiatarrü pueblurrü tacana arrüna tücañe.

Apocalipsis 18:9

Arrübama mayüriabuca amoncoma ahu y arrübama masamunu pierrta ahu areoroma itacu, arrtü arrtaimia ausiu nurria noncorrü.

Apocalipsis 19:3

Namatü tatito: ¡Aleluya! Champü nitacüru nausi manu nesarrü carrticurrü.

Apocalipsis 20:10

Tapü arrti choborese, naqui macocono, penecoti au manu narubaitu turrü pese nacarrü, arrümanu omo ui azufre, auna cauta ito penoco manu numuquianrrü ichepeti maniqui ñapanrrü profetarrü. Champü nitacüru nitaquisürücürrüma acamanu, naneneca y tobiquia.

Apocalipsis 22:5

Acamanu champüqui tobirri, champü ümochequi basarurrü, ni surrüpü, itopiqui anentarrü ümoma ui nicuarrti Tuparrü. Arrüna nüriacarrüma champü nitacürurrü.

Apocalipsis 7:12

Amén, sane te. Tari champü nitacüru numanauncu ümoti Tuparrü, numachampiencaca ümoti. Tarucu nipiacarrti, nüriacarrti, nicusüurrti, y nanentacarrü esati. Amén.