Matiu 1:1 - BAṈARA KO VAIRU AMA LEVELEVEO

¹ Komi kio vo Jisu Karisito ko taite poso ko ṉi poso, vo Devita ni Ebarahami ko toutou kale ala.

Matiu 1:1 Kruisverwysings

Matiu 1:18

Eri nio vo Jisu Karisito ko alilo ko kaevo. Voko niania Mere ta lula keva korotika vo Josepa puliako nioqa raekinio, nio kota ko paqumukake ta vo Tabu ala Auvana ko naizato kale inio kota epia ko evake.

Matiu 1:2

Vo Aisake ta Ebarahami ko toutou kale ala, ni vo Jekopi ta Aisake ko toutou kale ala, ni vo Jiuda ni voko visi poso ta Jekopi ko toutou kale amu.

Matiu 15:22

Nio kama pado rekoreko pui Jiu ama koa peuru kale ama ta ko kuevake Jisu kasi ni eri kikelake, “Tanala, ṉo Devita ko vikuvikula kalea laṉa, ṉota tauvela aṉa! Ako aṉako meqora ta ziolo kokai onobata ni kota kota matu verepa!”

Matiu 3:16

Nio soa bapitaiso o evake vo Jisu ti obeta kailake inio ju ko tana topi. Koa taku kale inio ko au ta kota veukaziake vokasi, nio vota o veake vo Baṉara vo Auvana vai saqoro vo, ni voa Auvana ko velo ta ova kurou jari ala.

Matiu 9:27

Ni vo Jisu ta o vaekake koa zae, ni ota taliake, ni omuqa maba leqa kanioqa ta qo taniekake luluevo vo, ni nioqata qota upaupatake ni eri kiqolake, “Devita ko vikuvikula kalea laṉa, ṉota roqueqela eqe!” kiqolake.

Luke 1:33

ni vota Jekopi ko vikuvukula madu ko aikovakova o elou latau ṉaniu ni ka ṉaniu; ako voko lekasa puo ta pui kopa paitou!” kiolake.

Jone 7:42

Ko Tabu ama Riki kikolani ta, vo Baṉara o soroevani Pakio ta vo Aikovakova Devita ko vikuvikula kale azo inio o kilo avo, ni vota o alilou Betelihema peuru kale, koa peuru sai Devita o evekoi,” kikelake.

Iruruputo 2:30

Melai vota kala poropita ni vota okai nianiiovi vo Baṉara o vati korotikema quli: Baṉara ta o erekake ko matu piza kama leveleveo tu vota aikovakova o ivou kala pado maba Devita ko vikuvikula kale ala Devita o evevoa lekasa puo jari.

Romu 1:3

Koko raki komia Uri ama Bazu ta vo Baṉara vo Meqora animevo Lekasa Jisu Karisito ikio. Vo maba jaria ereilo ni alilo o eveni vo Devita ko vikuvikula kale,

Romu 4:13

Ni so keru vo Baṉara o vati korotike keru vo Ebarahami ko peuru ma peuru ta vo ni voko vikuvikula ko leveleveo ikio kio, vota so o ikake, pui vo Ebarahami ko zoriko kale ko Bazu, melai vo Ebarahami ta o tuvevo putake nio vo Baṉara ta sidopu ala va kiolake.

Romu 9:5

Seta se Hiburu qoqono ko taite poso ko vikuvikula kale amu inio, ni seko vikuvikula kale inio vo Baṉara o soroeveni Pakio ta o puratake. Animeta me ilusivou vo raura kala Baṉara vo o kati vailani kiadama quli latau ṉaniu ni ka ṉaniu. Emeni.

Qelesia 3:16

Ni vo Baṉara ta o erekake voko leveleveo Ebarahami ni voko vikuvikula kale ala kasi. Melai vo Baṉara ta pui eri kiolake, “ṉo ni ṉoko vikuvikula kale amu kasi” ta pui so kiolake, ako so kio ta matu kubo maba poso inio sole. Melai Baṉara ta eri nio kiolake, “ṉo ni ṉoko vikuvikula kale ala kasi,” kiolake. Ako so kio ta omadeu pado maba sole ni vo inio vo Karisito.

1 Timoti 2:5

Ako vo Baṉara ta omadeu pado sole, ni vo tabu ala Baṉara ni boutare sama maba poso ko tiania o evani ta mata omadeu pado, vo Jisu Karisito o ṉi sala maba,

2 Timoti 2:8

Ṉota kerukerueva vo Jisu Karisito, vo o saeveni voukale azo, vo Aikovakova Devita ko vikuvikula kale ala, vo o kaseivani Uri ama Bazu kale ko aṉa aqai bazubazutako.

Kelokelozato 22:16

“Aṉa Jisu lala ta a joroeve aṉavo mateana ni vota o kaseke komi quli mea lotu qoqono poso kalea mela kasi. Aṉa inio ko vo Devita ko vikuvikula kalea lala ni aṉa inio vo uria talolola raneodola lala.”