Jone 1:9 - BAṈARA KO VAIRU AMA LEVELEVEO

⁹ Voa Bazu ta tuvevo ala zakaremu, ni vota o kuevi peuru ma peuru kale, ni vota omai taloake kiadama maba poso.

Jone 1:9 Kruisverwysings

Luke 11:36

Melai ṉoko pado ama tupu ta matu zakaremu ko elou, ni puliama kama supi kutumana ta ko elou sai, nio kota ko uria zakaremu pueṉou ṉo, omadeuvo kama uria talo juke jari,” kiolake.

Jone 1:4

Voa Bazu ta saevo ko raki; ni koa saevo ta ko kati kuevi vo Baṉara ko zakaremu maba madu kasi.

Jone 1:7

vo o kuevini ni omai bazueveni voa zakaremu ko kalo se maba poso. Vota o kuevi mai bazuevole se, tu sea kiadamu ta ke viqo koa bazu ni ke tuvevo puevo.

Jone 12:46

Aṉata a queva peuru ma peuru ko zakaremu jari, tu vo o tuvevo puelo ala aṉa ta pui opa elou kutumana kale.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 15:1

Ni Jisu ta mata o mati pesiake voko disaipeli madu ni eri kiolake, “Aṉata tuvevo ama vaini siakona jaria lala ni aṉavo Mama ta vaini kiaro o kati vailani maba jari o kavani.

Jone 6:32

Nio Jisu ta eri kiolake, “Tuvevo avole aṉata a bazuemela me, vo Mosese meko taite poso o katimema bereti ta pui aukale azo ama. Melai aṉavo Mama o katimelako bereti ta aukale azo ama.

Jone 7:12

Ni koa padopadoilo maba poso melai moizavole kebe kasevake vo Jisu. Kake ta “Vota sidopu ala maba,” kikelake, melai mata kake ta “Pui. Vo inio o lipalipaemani se maba poso,” kikelake, sole seta omuqa kerukeru kevai koake vo.

1 Jone 1:8

Ni animeta eri kimevou, animeta puliama sarueko samela kimevou, ta animeta meda lipalipaiva inio me ṉavi, ni animeta puliama tuveano samela.

1 Jone 2:8

Melai komia bazu aṉa a mela rikiekako tu meme ereko ama ta mata vairu ama ikio, ako ko kutumana ta kota paloasa ni tuvevo ama zakaremu ta lula kota taloa sole. Kota ko tuvevo pui Jisu kale ni kota tuvevo ko eva me ṉavi kale.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.