Mark 9:15 - l'taamitsinikssin Mark manistaitsinikatoohpiayi 1972

¹⁵ Ki oma̱ o̱tapiy'ssina ma̱tsikaissksinimaiksaw ota̱a̱ksinowahsaw anniisk Jesus; opi̱i̱tsioohksi̱noahsawayi itoto̱yiksimatsimiiyiawayi.

Mark 9:15 Kruisverwysings

Mark 14:33

Ki omi̱i̱ksi itohpo̱koyisskatsiiwa Peter ki James ki John. Ki oma̱ Jesus sta̱mitsayippomimmohsiwa sta̱mitsiksisto̱i̱tsi'ssi'takiwa, a̱nnia a̱akitstsiihpi isto̱nnata'piyi ota̱yakanistohkoyi'pi.

Mark 16:5

Ki omi̱ ota̱i'to'toohsawayi, ota̱i'tsippissawayi, niita'pipisatsi̱'takiyawa otsitsino̱ahsawa omi̱ a'sita̱piyi ita̱o̱piiyinayi; ksikksina̱mmina̱yi maaa̱yi. Anniayi o̱niita̱'pi̱kkio'to̱o̱koayawayi.

Mark 16:6

Ki o̱mi otsinoa̱wayi a'sita̱piyinayi otsi̱tanikkoaayawayi, “Piniko̱'poka; ni̱tssksiniihpa ki̱tsaakiitaitsikimmaawaawa anna̱hka Jesus ka̱a̱hkitohko̱nisoaayi oosto̱mi anno̱m; kitssksini̱i̱hpoaawa a̱woy'sstaawa, ki oosto̱mi anno̱m iitsto̱o̱hp. Anno̱hka ma̱tattsitaihtsiiwa oosto̱mihk; a̱kattaissksipo̱wa̱owa.

Mark 9:16

Ki oma̱ Jesus itani̱stsiiwa omi̱i̱ksi ota̱i̱ssksinima̱atsaiks, “Tska̱ komohta̱waakohkootsiiyihpoaawa?”

Mark 9:25

Oma̱ Jesus iitsino̱yiwa omi̱i̱ksi o̱tapiy'ssiks oto̱matapita̱pohkanoohsaiks. Ki itsini̱kkssitsipssatsiiwa omi̱ maka̱'pato'siyi, “Oki, maka̱'pato'sii! Ksiisto̱wa iihtsa̱waayoohtsimio'pahka ki iihtsa̱wai'poyo'pahka, saaksskohto̱s amo̱ sahko̱maapiwa! Miina̱ttsista̱o'noa̱yitaipiita oosto̱mi!”