Mark 2:25 - l'taamitsinikssin Mark manistaitsinikatoohpiayi 1972

²⁵ Ki oma̱ Jesus itani̱stsiiwa omi̱ksi Pharisees, “Kino̱o̱hkaoksto'poaayi nato̱y'ssi̱naakia'tsisi. Kitssksini'poaaw anna̱hka Davida otsi̱tsaaitstsi'pi aoo̱wahsi ota̱a̱nisttsiihpi. Oosto̱yi ki o̱miksi otohpoko̱omiks ikska̱o̱'nootsiiyaw.

Mark 2:25 Kruisverwysings

Mark 12:20

Oki. Ki a̱aksiki̱i̱wa oma̱ noohki̱i̱tssima ikkami̱tosskanisiyi ihkitsi̱kiitapiyi: oma̱ omahksi̱mma ikkami̱tohkiimissi ki a̱akitsi̱'niwa ki a̱kitsa̱woko'siwa;

Mark 12:26

Kima̱tomaniihpoaawa kitsawa̱o̱mai'tsissoaayi matta̱itaaksipaitapiiyo'ki a̱i'nio'ki. Ka̱hksikaokstoohpoaawa nato̱y'ssi̱naakssists A'pistotookiwa ota̱a̱nistahpiyi anniska Moses omi̱m sta̱m'sookohto'tsaakapi̱'poyiwa miistsi̱si a̱ohpakkoyittsiwa; a̱a̱niiwa, ‘Niisto̱wakaok A'pistotookiwa oma̱ Abraham ki oma̱ Isaac ki oma Jacob nita̱isstakakkiawa.’

Mark 2:24

Ki omi̱ksi Pharisees itsino̱yiiyawaiks omohta̱o̱'takssawa. Itani̱stsiiyaw omi̱ Jesusi, “Akohkottsaitawanisttsiaw issiko̱o̱piiksistsikoi; natowo̱kakihtsimaani a̱a̱nia'siwa a̱nni a̱hksta'wa̱a̱nisttso'si.”

Mark 2:26

Itsitsi̱'taippiima omi nato̱a'piaapioyi. (Oki. Amohk otsi̱tanisttsiihpi a̱mohk sto̱mahkato̱yaapiikoan Abiathar.) Anna̱hka Davida iihtsi̱tsoyiwa o̱mistska ihtatsi̱mihka'so'pistska napayi̱i̱nistska A'pistotookiyi ihko̱tahpistska. Aka̱kihtsimaani a̱a̱nia'siwa o̱miksi nato̱yaapiikoaiks a̱kita̱mohtsoyiaw o̱mistsi napayi̱i̱nistsi. Ki Davida oosto̱yi sta̱mohtsskohto̱oyiwaists, ki iihtsi̱i̱soyiiwa omi̱ksi otohpoko̱omiks.”