Mark 15:19 - l'taamitsinikssin Mark manistaitsinikatoohpiayi 1972

¹⁹ Ki anni̱ksi a̱i̱stamito̱'to̱pisttoksisa̱no̱piiyawayi ki ita̱i̱tapotohsohkiaakiawayi. Istsi̱kiksi a̱i̱stamo̱'takiyi miistsi̱i iihtsita̱i̱pakihki̱niyawayi, ki a̱i̱sokottatsiiyawayi.

Mark 15:19 Kruisverwysings

Mark 10:34

Ki omi̱i̱ksi noohki̱i̱tsitapiikoaiks a̱kohtsitomatapohkoikkahsa'pssiawa niisto̱yi; nita̱akaisokottakiawa, nita̱akattaistsi̱pissookiawa, ki nita̱akinai'tsii'nikkiawa. Kii ayo̱kska̱oniiniki nita̱a̱kattsitssksipoitapiyi.”

Mark 14:65

Ki o̱miksi otsi̱mowaakkiksi oso̱tamitaisokottakkaiksi. Ki otsi̱tssiika̱pinipikkaiksi ki otsi̱tawaawaya̱kiookaiksi; ki otsi̱tanikkaiksi, “Okki, a̱hksa̱nikkinnaana taka̱ anna̱hk kita̱a̱waya̱kiookahka! Kita̱kohkottanikkihpinnaan ikkama̱a̱niiniki anna̱hka A'pistotookiwa ohko̱yihka.” Ki o̱miksi ota̱i̱sska̱mmokiksi otsi̱tawaawaya̱kiookaiksi.

Mark 15:18

Ki itoma̱tapikkahsitapiistotoyiiyawayi. A̱i̱kahsimmiyawayi, ki a̱i̱tapo̱tahsohkiaakiyawayi. Itani̱stainihkatsiiyawayi ‘isttsi̱pihkini̱i̱naa’. Ki ma̱ttsita̱waanistsiiyawayi, “Kita̱aksi̱naaistotoohpinnaana; kiisto̱wa kitsi̱sttsipihkini̱i̱naaimakki omi̱i̱ksi Jews.”

Mark 15:20

Ki a̱i̱ksistaapakkahsitapiistotoyiiyawayi itssko̱'tomoyiiyawayi omi̱ o̱mohtoksko̱o̱pa'powaawayi ko̱monoyina̱mmi ki itsska̱aksisomihtsiiyawayi omi̱stsi ota̱watsistotoohsiistsiayi. Omi̱m itsita̱pipiiyawayi otsi̱taaka̱woy'sstaahpowayima.

Mark 9:12

Itanistsiiwaiks, “I̱imana'ssiwa ma̱hkstsinao'toomo'toohsi anna̱hka Elijah ma̱hkohtsitsi̱kaaisopowatsistotoohsi anna̱hk a̱yaako'toowahka.