Mark 14:68 - l'taamitsinikssin Mark manistaitsinikatoohpiayi 1972

⁶⁸ Ki oma̱ Peter itsa̱yi'tsimawa. Itani̱i̱wa: “Nima̱tssksiniihpa komohta̱i'poyihpi; nima̱tsikakssksinoa̱waatsiksi.” I̱i̱kaitsiistapa̱aitssto̱owa, omi̱k iita̱i̱psstomaahkao'pi a̱nnia itsitsi̱poyiwa. Ki a̱nnia oma̱hka ni̱nai'ta̱wa̱akiiwa ita̱m'so̱o̱kohkomiwa.

Mark 14:68 Kruisverwysings

Mark 14:54

Ki oma̱ Peter oma̱ttohpo'kia̱'pawaawahkaawayi, ki ma̱tsipiaapato̱owaatsitsi. Istsi̱kiksi o̱miksi ni̱naaiksi itohka̱n'saya̱yoohki̱maayawa; itoto̱ttaayawa, ki a̱nnima ita̱i̱ksistohsoyiiyawa ki oma̱ Peter noohka̱ttsitsito'to̱owaiksi, sta̱moohkattsitsino̱o̱piiwaiksi noohka̱ttsitaiksistohsoyiwa.

Mark 14:69

Ki oma̱ aaki̱i̱koana sa̱akioohta̱iiksim'staawayi otsi̱kainoahsi omi̱ Peter. Ki o̱miksi ito̱'tsatsipo̱yiiksi itani̱stsiiwa: “Nitsi̱i̱mani; a̱nnikskao'ki anni̱ksiska Jesus ota̱ohpoka'poomiks.”

Mark 14:70

Ki oma̱ Peter sta̱mattsista̱isayi'tsimaawa. Ma̱tsissamo̱wa, o̱miksi ni̱naaiks ita̱i̱poyiksi itani̱stsiiyawa omi̱ Peter: “Ksiisto̱wa a̱nnikskao'ki; kiso̱tamono̱o̱hpinnaana ko̱mohto'to̱owa Galilee, kanistsi̱nao'sspi ki kanista̱i'poyihpi.”

Mark 14:72

Ki a̱nniayi ma̱ttsitohkomiwa o̱mahka ni̱nai'tawa̱akiwa. Oma̱ Peter noohka̱ttohtsitsiksi̱m'stawa ota̱a̱niihpi Jesus: “Saoma̱i̱sto'kio̱o̱hkomisi anna̱hkayi ni̱nai'tawa̱akiwa, a̱nniayi a̱ksikaita̱yokskayi kisayi̱'tsimaanistsi kitsa̱i'ssksinookssi.” Itassa̱i'niwa oma̱ Peter.