Mark 1:41 - l'taamitsinikssin Mark manistaitsinikatoohpiayi 1972

⁴¹ Ki oma̱ Jesus niita̱'piki̱mmiiwayi; ki itsiksi̱i̱niiwayi, iitani̱stsiiwayi, “Kita̱akanisttsi'to ka̱hksiksikka'pssini. Ki a̱nnohka kika̱yaakssoka'pssi.”

Mark 1:41 Kruisverwysings

Mark 1:40

Oma̱ ni̱naawa ika̱'pisttsiistomiwa a̱i̱ksistoyitaopitoowa ottokisi ki oosto̱mi; itsita̱poowa anniisk Jesus iitsito̱'topi̱sttoksisaano̱piiwayi. Itani̱stsiiwayi, “Noohksiki̱mmokit! Noohksspo̱mmookit! Ikkam'stainiki ka̱hkohkottotookssi.”

Mark 1:42

Ki a̱nnima̱yi oma̱ ni̱naawa isttsi̱i̱stomiwa, sota̱mitssoka'pssiwa.

Mark 4:39

Jesus itsipoa̱owa. Itssi̱tsipssatoom amo̱ya sopo̱o̱yi; aaniiwa, “Miina̱ttssopossa!” Itssi̱tsipssatoom amo̱ya aohki̱i̱yi; aaniiwa, “Miina̱ttohpai'kim'skaat!” Ki sta̱m'sawa̱ttssopo̱o̱wa, ki sta̱min'sspiko̱yiwa amo̱ya aohki̱i̱yi.

Mark 5:41

Itsi̱nnomoyiiwayi omi̱ om'sstsi̱ aaki̱i̱koani o'tsi̱si. Iihtsi̱tsipssatsiiwayi otsi̱'powahsoaawayi; itani̱stsiiwayi, “Ta̱yitoko̱mma”; a̱mohk anista̱panio'sina, “Aaki̱i̱koani, niipoa̱ota!”

Mark 6:34

Oma̱ Jesus ota̱o'toohsi ki ota̱i̱nnisa̱atoohsi omi̱ a̱a̱hkioohsa'tsis itsino̱yiiwa amo̱i̱ o̱tapiy'ssin ota̱yoohko̱yissi. Iitsiki̱mmatahsinatsiiwa amo̱i̱ o̱tapiy'ssin; sta̱manistsimmiiwaiks a̱nni i̱mahkihkinai ka̱taohkootoi'tsikataayi. Itoma̱tapssksinima̱atsiiwaiks a̱mo kana̱o̱mia'nistaa'piyi, maka̱moo'tsiistsi.