Mark 1:24 - l'taamitsinikssin Mark manistaitsinikatoohpiayi 1972

²⁴ “Jesus; kiisto̱wakaok anna̱hk iihto̱'to̱owahka Nazareth! Okki. Kita̱kohtsiki̱i̱hpa' niisto̱naan? Kika̱ta'ohto'to̱o̱hpa ka̱hkitsi'nikssi̱naani? Niisto̱wa, ki̱tssksinoo; ksiisto̱wakaok A'pistotookiwa ota̱towo'tohka'taan.”

Mark 1:24 Kruisverwysings

Mark 1:23

Ki oma̱ ni̱naawa itsito̱'tsippiima; na̱i̱psstsistomatsiiwa maka̱'pato'si. Iitssohka̱waaniiwa,

Mark 1:25

Kii oma̱ Jesus iitsska̱nistsiiwa omi̱ maka̱'pato'siyi: “Ma̱o̱paatsis! Miina̱ttsisstsiistotoos! Sta̱m'saksskohtoos anna̱ ni̱naawa!”

Mark 10:47

Itohka̱a̱nistawa, “Amoyaok anna̱hka Jesus anna̱hk iihto̱'toowahka Nazareth; a̱kaya̱akohtsitssko̱owa.” Ki oma̱ Bartimaeus a̱o̱'matapsohka̱i̱nihkatsi̱matsiiwa Jesus. Awaanistsiiwa̱yi, “Jesus, noohksiki̱mmokit!”

Mark 14:67

Iitsi̱noyiiwayi otsito̱'taopissayi omi̱ po'ta̱a̱ni a̱i̱ksistohso̱yiinayi. Ni̱'tsisa̱maissammiiwayi, itani̱stsiiwayi: “Kitsi̱i̱kai'noo, ksiisto̱wa a̱nnikskaoki anni̱ksiska ota̱ohpoka̱'po̱omokikska oma̱hka Jesus iihto̱'to̱owahka Nazareth.”

Mark 16:6

Ki o̱mi otsinoa̱wayi a'sita̱piyinayi otsi̱tanikkoaayawayi, “Piniko̱'poka; ni̱tssksiniihpa ki̱tsaakiitaitsikimmaawaawa anna̱hka Jesus ka̱a̱hkitohko̱nisoaayi oosto̱mi anno̱m; kitssksini̱i̱hpoaawa a̱woy'sstaawa, ki oosto̱mi anno̱m iitsto̱o̱hp. Anno̱hka ma̱tattsitaihtsiiwa oosto̱mihk; a̱kattaissksipo̱wa̱owa.

Mark 5:7

ki itani̱i̱wa, “Ksiisto̱wa a̱nnakaok ohko̱yi A'pistotookiwa istohkana̱i̱pispssiwa.” (Ki oma̱ ni̱naawa maka̱'pato'siyi ota̱i̱'poyattsook ki ota̱i̱ksim'stattsooka.) Anni̱i̱sk Jesus otsi̱tanikka, “Maka̱'pato'siyi! Saakskohtoos!” Kii oma̱ ni̱naawa itani̱i̱wa, “Kita̱aksikiihto̱o̱kihpa? Noohkohtsi̱kimmokit A'pistookiwa; piino̱hksstsipi̱ssookit!”