Ɉeremi 10:8 - Yálá laawoo hɛɓɛ

⁸ Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Yálá laawoo hɛɓɛ (dc)

⁸ Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Bible

⁸ Da tûa a ƃoo-pere, dífa mɛni ŋá kàa. Dísɛŋ lɛ́-nuui ƃa ŋ̀âlai nyíi dí gbɛ̀tɛ a wúru nyíi kɛ̂i fé mai.

Ɉeremi 10:8 Kruisverwysings

Mąątɛ̨nɛ̨ 115:8

Nuąi di pɛli, di kɛ pələ kaa yɛ diɛ, da nuąi kpɔ da di kilitɔɔ diɛi.

Mąątɛ̨nɛ̨ 135:18

Nuąi da di pɛli, di kɛ pələ kaa lɔ yɛ diɛ, ə mą kɛ, nuąi da di kilitɔɔ diɛ.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Azaya 44:18

Di hvo mɛ̨nį kɔ́lɔn, di hva mɛ̨nį kpaɠala kaa, mąąhɔlɔɓo, di ɲɛ̨i kpinį pələ diɛ, di hva pɛli kɛɛ kaai, di kili wala wala pələ, mɛ̨nį ta hva pɛli lɔi di kili hu!

Azaya 44:19

Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Ɉeremi 10:14

Nu kəlee daa tɔɔ lɔ tupɛɛ, di hva mɛ̨nį ta ɲąą kaa, diɛ nwumɛ̨ di wɔ haliɠaai di bɛli mąą mɛ̨nį ɓa. Ɉɛn mąąnįnįnŋaa tii kaa a lɛɛ, di nɔ̨ɔ̨ hvo di hu.

Ɉeremi 2:27

Da kɛ wulu ɓa: «Ku nąn maa yɛ́!» Diɛ kɛ kwɛni ɓa: «Yɛ ɓə ku kulɔ yɛnɛ̨ɛ̨!» Ɲą́ą́ ŋɛ̨i nwɛi, di kpowolo la ɓə da ɉee mą́ą́, di hvo di ɲɛ̨i heei mą́ą́. Kɛlaa, yaa lɔ ɓaa mąąwɛli mɛ̨nį a həli diɛ, di woo laa mą́ą́: «Əkə! Nan! Ə muhəɠə, ə́ ku ɓalo!»

Ɉeremi 3:9

Nwɔ wɛli hon bələ a nąą mąą walawala, ə nɔi kɔ́hɔɓo. Yɛ li yɛ kwɛli hvilɛn kwɛniɠaa da wuluɠaa diɛ.

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Ɉeremi 5:4

Ya ɓə ŋį́ kɛ diɛ: «Di hvo gbana li kpɛli tiikpə, nu tununŋaaɓaa diɛ, di ŋaakpɛɛ diɛ, mąąhɔlɔɓo, di hvo Yai-Laa woo kɔ́lɔn, di hvo di wɔ Yálái nwɔ tɔ́n gɔlɔn.

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Zôna 2:8

Yai-Laa! Nwɔ Yálá, ɓɛlɔwai nɔ̨ɔ̨ ə kɛi kulɔ la ɲə́i, gíli ə hvilɛn yɛ́, ɛlɛɛ, ə́ hvɛlii ŋą́ mo, nwóó ə həli ə́ wɔ pɛlɛ́ mąąhəɠɛɛi ɓa.

Habakukə 2:18

Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.