Ɉeremi 1:10 - Yálá laawoo hɛɓɛ

¹⁰ Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Yálá laawoo hɛɓɛ (dc)

¹⁰ Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Bible

¹⁰ Ye gɔ́lɔŋ a gɛɛ ŋa sâa í tɛɛ̂i a ŋáwala-walai lɔii-ŋuŋ-ŋa da kâloŋ-laa-ŋa pɔ́ naa a gɛɛ í ŋáworɛ̂-wooi ƃó dîa. Ŋ̀orɛ̂-wooi ŋí ƃa a gɛɛ da pâi da-ŋa ƃúlenii, dí da-ŋa kula, dí da-ŋa yee mɛi ɣále, dí da-ŋa su-kara, dí da-ŋa tɔɔ, dí da-ŋa sí.”

Ɉeremi 1:10 Kruisverwysings

Ɉeremi 31:28

Háá ɓa háá, bələi ŋą́ ɲɛ̨́i ɲɔ̨nwɔ̨ɔ̨ hee la diɛ, gɛ́ di kulɔ a di nwun, gɛ́ di pu, gɛ́ di laa pɛlɛ nɔi ɓa, diɛ lɛɛ a taa kpoloon, gɛ́ di mąąwɛli, gɛ́ mɛ̨nį ɲąąnwąnąą laa diɛ; bələ lɔ ɓə gáá ɲɛ̨́i lɛlɛɛ heei la diɛ, ŋą́ di tɔɔ, ŋą́ di kɔ́wɔ hvilɛn. Ɲą́ą́ Yai-Laa nwóó li!»

Izikiɛ 36:36

Nɔiɠaai tii pai kɛi ka kwɛlɛ, da gili kɔ́lɔn gea, diɛ kɛ ɲą́ą́ ɓə gáá a Yai-Laa. Ɉɛn di nwolo, ɲą́ą́ ka tii pənə gɛ́ dɔɔ; ɉɛn di gala, gɛ́ pənə gɛ́ ɉin. Ɲą́ą́ Yai-Laa, ɲą́ą́ ɓə mo, ɛlɛɛ, gáá gɛi.

Ɉeremi 24:6

Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Izikiɛ 32:18

«Hulɔnu lon, wɔlɔ Eziptə nwɔ nu kpului mɛ̨i, ə́ ɲɛɛ moloon gɛnɛ̨ɛi hu, da nɔiɠaa hu nɛ̨ɛ̨lɛa. Di wɔ mąąwiɛ ə mą kɛ diɛ, di too nɔi mu lɔi hu pələ; da nuąi da yɛɛ lowa hu.

Izikiɛ 43:3

Ə kɛ yɛ nu a kɛli hį́i kaa, yɛ ɉį́i tii ta ŋą́ gaa; a yii tii ŋą́ gaa ɓɛlɔwai ə paa la daa woloi. Ɉį́iɠaai tii kulaa kɛ, yii ta ŋą́ gaa Kebarə yá kwɛlɛ mą. Nąąlɔwai, ŋą́ pɛlɛ níí ɓa.

Tɔɔɓɛlaa dɔlɔɔ 19:17

Nui lɔpe pai kulɔi Hazaɛlə nwɔ ɓɔwai yee wolo ɓa, Ɉehu a baa, nui lɔpee pai kulɔi Ɉehu yee wolo ɓa, Elise a baa.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Ɉeremi 1:5

«Ɉeremi! Di hvo nii kpɛli kɛ ə́ mąą koo həɠə li ŋį́ ə́ kɔ́lɔn gɛ. Di hvo nii kpɛli kɛ ə́ kaa li, ŋį́ ə́ həɠə ɉu a nwɔ́ɔ́, ə gɛ, ə́ tí mą́ą́; ŋį́ ə́ kɛ a gwə́i mɛ̨nį hukulɔ mun lɔiɠaa diɛ.»

Ɉeremi 25:13

Mɛ̨nįɠaa ŋɛ̨i gáá moi yɛ́, yɛ hvilɛn na nɔi ŋɛ̨i ɓa, yii kpɔ bɛ̨ɛ̨i hɛɓɛ hu, gáá gəlee kɛi yɛ bələi ŋą́ mo la. Mɛ̨nįɠaa kpɔ Ɉeremi ə di lɛɛ tɔwɔ yɛ mo, yɛ hvilɛn na nɔiɠaa tii diɛ, ŋį́ gəlee kɛ.

Ɉeremi 31:40

Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Ɉeremi 36:2

«Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Ɉeremi 45:4

Mɛ̨nįi ə́ kaa lii moi mą, ya ka, yá kɛ mą: «Yai-Laa woo ka, yɛ: ‹Hɛn ŋą́ dɔɔ, ɲą́ą́ ɓə ŋą́ bu. Hɛn ŋą́ ɉin, ɲą́ą́ ɓə ŋą́ gulɔ a nwun; ɛlɛɛ, bələ ɓə ŋą́ gɛ la yɛnɛ̨ɛ̨ nąą kəlee.

Izikiɛ 21:19

Ə́ wəli tɔɔ, hulɔnu lon, gwə́i mɛ̨nį ɓo, ə́ yee lɔwa gee ɓa. Gɔ kɔ́ ɓɔwa kaa pai kɛlɛɓo kɛi gee mɛ̨i hveelɛ, gee mɛ̨i haaɓa, haa nuą di wɔ ɓɔwa kwɛaa li, haa nuą di wɔ ɓɔwa kwɛaa kɛnɛ̨i, ya ɓə ɓɔ di hu.

Izikiɛ 23:36

Yai-Laa ə hvaa bɔ́, yɛ mą́ą́: hulɔnu lon, ə́ kaa bɔ ə́ Oholiba da Ohola di kiti tee? Di wɔ tuwɔ pələ ɲɔ̨n hu kulɔ kan diɛ.

Osia 6:5

Yili ɓə gɛ, gɛ́ di kɛlɛ a gwə́i mɛ̨nį hu kulɔ nuą woo, gɛ́ di hu kala a wooɠaai da kulɔ ná. Nwɔ́ kiti wooi kaa pai kulɔi yɛ kɛɛ pɔ̨nɔ̨.

Ikilisiati 3:3

Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.