Zooɛ 3:1 - Yálá laawoo hɛɓɛ (dc)

¹ Yai-Laa yɛ diɛ: «Yili kəlee tɛɛ pulu, gáá pai nwɔ́ Kilii yɛɛi nu kəlee pɔ. Ka lonnii hinąą da ka lonnii nɛ̨ąą di kaa pai kɛi Yálá kwəi mɛ̨nį ɓoi. Ka wɔ hulɔgoloɠaa diɛ hįįɠaa kaa, ka wɔ muhəɠə nįnɛ̨ɠaa diɛ kwɛlɛɛn gɛɛ kaa.

Yálá laawoo hɛɓɛ

¹ Yai-Laa yɛ diɛ: «Yili kəlee tɛɛ pulu, gáá pai nwɔ́ Nįį yɛɛi nu kəlee pɔ. Ka lonnii hinąą da ka lonnii nɛ̨ąą di kaa pai kɛi Yálá kwəi mɛ̨nį ɓoi. Ka wɔ hulɔgoloɠaa diɛ hįįɠaa kaa, ka wɔ muhəɠə nįnɛ̨ɠaa diɛ kwɛlɛɛn gɛɛ kaa.

Bible

¹ Yâwɛɛ ǹyɛɛ, “M̀aa ɣêle-ŋai tí su, ŋa pâi Zuda da Zerusâlɛŋ dítɔɔ-sãai da tɛɛ̂i pôlu.

Zooɛ 3:1 Kruisverwysings

Mąątɛ̨nɛ̨ 14:7

Gbɛɛ ɓə a lɛɛ Siɔn yɛ gɔ́ nɛ̨ɛ̨ Israɛlə ɓa? Ɓɛlɔwai Yai-Laa a pənə, yɛ pa laa a nwɔ nuąi kɛ nuwɔlaa hu, Ɉakɔbə ɲɛ̨i a kɛ ɲąŋąi, Israɛlə yɛ pili yələi a kwənɛ̨ɛ̨!

Mąątɛ̨nɛ̨ 85:1

Nwələ ɲɛ̨itɔwɔmun, Kore lonnii di wɔ wələ woo.

Hanwon 1:23

'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Kilii tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Ɉeremi 16:15

Kɛlaa, di kaa pai kɛi diɛ: Yai-Laa tii Israɛlə nuą kulɔ ɲələi pələ lɔiɠaa hu da nɔi kpɔ ə di taɠa taɠa gəlee hu, gaa a vulú. A tɛ̨ą, ŋą́ pənə ŋą́ pa a diɛ, nɔi ŋɛ̨i ŋą́ dɛɛ di nąnni pɔ ɉu. Ɲą́ą́ Yai-Laa nwóó li!

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Izikiɛ 16:53

Gáá pai di wɔ yɛnɛ̨ɛ̨ dɔwɔ pələ mąąhvalin ɉii, Sodomə da non nɛ̨ąą di wɔ yɛnɛ̨ɛ̨ dɔwɔ pələ. Samari da non nɛ̨ąą di wɔ yɛnɛ̨ɛ̨ dɔwɔ pələ; ə mą kɛ yɛ́ kpɛli, mɛ̨nįi ɉeɛ ə́ tɔwɔ di lɔwai, gáá pai mąąhvɛn ɉii.

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Dutɛrɔnome 30:3

Nąąlɔwai, Yai-Laa ka wɔ Yálá a ka wɔ yɛnɛ̨ɛ̨ ɲɛ̨ilaa mąąhvalin, ə nwɔ liinɛɛ gwəi laa lɛ kaa. Nɔiɠaa kpɔ tii ə ka taɠa taɠa ɉu, a pənə ə ka kulɔ laaɠaa, ə ka ɲąą kpɔn nwɔ̨nɔ̨.