Zooɛ 2:21 - Yálá laawoo hɛɓɛ (dc)

²¹ Lɔi! Hvo ɲɔw! Kwɛinɛ̨ɛ̨ kulɔ ə́ pili yələi a kwəinɛ̨ɛ̨. Mąąhɔlɔɓo, Yai-Laa aa mɛ̨nį kɛnɛ̨ kɛ.

Yálá laawoo hɛɓɛ

²¹ Lɔi! Hvo ɲɔw! Kwɛinɛ̨ɛ̨ kulɔ ə́ pili yələi a kwəinɛ̨ɛ̨. Mąąhɔlɔɓo, Yai-Laa aa mɛ̨nį kɛnɛ̨ kɛ.

Bible

²¹ “Óo lɔii, ífe yào. Ílii é nɛ̃́ɛ ílii-nɛ̃ɛ kúla, kpɛ́ni fêi, Yâwɛɛ a mɛni kpaya-kpayaa támaa kɛ́.

Zooɛ 2:21 Kruisverwysings

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Mąątɛ̨nɛ̨ 71:19

Ə́ wɔ tələnmolaa kɛnɛ̨ pələ hvo a yola, nwɔ́ Yálá! Yɛ́i ya mɛ̨nį ɲɛ̨ikɛnɛ̨ɠaa kɛ! Yálá, gbɛɛ kpɔɔ ɓə ka yaa ka pɛliɛ tii-yoo?

Mąątɛ̨nɛ̨ 98:8

Yá kpɛa-kpɛaɠaa kəlee di di yee lɔwa, yeeɠaa di tómą a kwəinɛ̨ɛ̨.

Azaya 35:1

Lɔi pun da gbali lɔi kələn ŋąą di kɛ kwəinɛ̨ɛ̨ hu! Kpomó, 'ə pili yələi a kwəinɛ̨ɛ̨, ə powa nąą kəlee.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Osia 2:21

Gwá too wɛlii a yələ kəlee mɛ̨nį, gwá too wɛlii, tələnmolaa hu, da tɛ̨ą, a wɛlikɛmąąlaa, da lii nɛ̨ɛ̨ gwəi.

Zooɛ 2:20

Ka yowo a həɠə ɲánwuɔ̨ pələ, ŋį́ mąą kwɛa kaa, gɛ́ bili lɔi kpoloon ɉu kpalaa hu. Di mąąkpɛɛ nuąi di tɔwɔ pələ, gɛ di pili voló həɠəi pələ gboloyá hu. Yiiɠaa di pulu pələ, gɛ di pili ɉɛɠɛi pələ gboloyá hu, di powa lulɔ kun yɛ tɛ a ɲɔ̨nwɔ̨ɔ̨, di kun yɛ ɲɔ̨n bɛlɛ nuą diɛ. Nuąi kpɔ ka di mɔ̨nɔ̨ ɓo tii, bələ ɓə da haa la.» A tɛ̨ą Yai-Laa aa mɛ̨nį ɲɛ̨i kɛnɛ̨ɠaa kɛ.

Zooɛ 2:26

Ka káá pai kɔ̨nɔ̨n mį́i, kaa pilɛ ɉu, kaa Yai-Laa ka wɔ Yálái tɛ̨́nɛ̨́. Yaai mɛ̨nį kpɛa-kpɛa tii kɛ, nwumɛ̨ hva kɛa tɛ a nwɔ́ nuąi a yələ ta.

Zakari 8:15

Kɛlaa yiihu kɛa, ŋą́ą́ gíli mąą hvalin. Ŋą́ą́ naa gwə́i, gɛ́: Gáá Ɉerusalɛmə, da Ɉuda di hon ɉi a nɛlɛɛ.

Dutɛrɔnome 4:32

Ka ka kiliŋąhiɛ tɔwɔ-tɔwɔ hvólóɠaa tii hu, mɛ̨nįɠaa kɛ, kaa yiiɠaa ŋɛ̨i ka hvo ni kɛ laa, ə həɠə kpɔ ɓɛlɔwai Yálá ə nu kanŋaa kulɔ la lɔi mɛ̨i! Ka yɛnɛ̨ɛ̨ kəlee mąąnikɛ! Mɛ̨nį ɲɛ̨i kɛnɛ̨ɛ̨ ta aa ta mɔ̨ɔ̨ kɛ yɛ yii ŋɛ̨i? Daa ta mɛ̨nį taaləi ŋɛ̨i bələ mɛ̨n?

Samuɛlə dɔlɔɔ 12:16

Ka tɔɔ nwɔ̨nɔ̨, yii mɛ̨nį kəlee Nąmu Yai-Laa yɛ ə gɛ, ka ɲɛ̨i ɓa, ka gaa.

Samuɛlə dɔlɔɔ 12:24

Yii lɔ gaa mą a ɉaŋąą, ya ɓaa: Ka ɲɔw Yai-Laa ɓa, ka tí mą a ka kwəi kwɛlɛɛ a kilitɔɔmąąlaa, mąąhɔlɔɓo, aa gbɔwɔ lɛ kaa, yɛ gɛnɛ̨i.