Zooɛ 2:2 - Yálá laawoo hɛɓɛ (dc)

² Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Yálá laawoo hɛɓɛ

² Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Bible

² A pâi kɛ̂i a kpíni da ɣele kuyɔɔ, ǹúui pɛ́lɛɛ, gbínii su pîlaŋɔɔ! Gotó kpului-ŋai da pâi kɛ̂i a díwala-wâlaa yɛ̂ɛ núu-kpune, dí ǹyée-ŋai mɛi pɛ́lɛ yɛ̂ɛ kpíni. M̀ɛnii ŋí da fé tá kɛ́ ní ǹyaŋ da fé pâi ŋɔ́nɔ kɛ̂i wɔ́lɔ-wɔlɔ da wɔlɔ-wɔlɔ.

Zooɛ 2:2 Kruisverwysings

Mąątɛ̨nɛ̨ 10:6

A kɛ kɛi gbɔwɔ ɓa: «Gáá tɔɔni gbilin, ɲąąnwąnąą hva pɛli gáái kpɔ tanɔ̨n kpɛli.»

Mąątɛ̨nɛ̨ 97:2

Mąątinɛ̨ŋąąi a kpinį da tulɔ kpinįn, tələnmolaa da tɛ̨ą ɓə a nwɔ tɔɔ kpəlin kɔ́wɔ hvilɛn ɉɛn.

Lɛɛ gbɔwɔ ɓa 10:14

Beeləɠaa di pɛlɛ Eziptə lɔi nąą kəlee. Gbulu kɛnɛ̨ɛ̨ kɛ dɛɛ gɛi ɓa, ɲɔ̨nwɔ̨mąn hvo ta kɛ li, da hvo nwɔ̨nɔ̨ pai kɛi.

Lɛɛ gbɔwɔ ɓa 10:6

Di kaa pai ə́ yəi bɛlɛ́n vɛɛi, di ə́ wɔ nu kpɛa-kpɛai yəi bɛlɛ́n vɛɛ, ə mą kɛ nɔi hu nuą kəlee. Gaa pai kɛi a mɛ̨nįi da hvo ta laa li ka wɔ lɔi ɓa, ə həɠə ka kalani di wɔ kalani diɛ, ə həli la yiihu ɓa.» Moisə ə kulɔ tɔɔmun ɲəi bɛlɛ́n, ə li.

Lɛɛ gbɔwɔ ɓa 20:21

Nuą di tɔɔ kwɛa la, Moisə ə mąą lɛɠɛ dulɔ kpinįn ɉuwiaa tii ɓa, ɓɛi Yálá ə kɛ laa.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Azaya 8:22

Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 13:6

Yələ tamąą kulaa ɉu, Yai-Laa yɛ nwɔ̨nɔ̨ mą́ą́: «Pənə ə́ li Peratə ɲai, ɉąą yili kɔ́lɔi tii hiɛ ŋį́ kɛ yɛ́ now laa, ə́ ɉəɠə.»

Woolaa 1:12

Káái ka tɛɛ a bələi ŋɛ̨i, ka ká ɲɛ̨i hee tai, ka kɛɛ kaa! Akɛ, mɔ̨nɔ̨i ŋɛ̨i Yai-Laa aa naa mą́ą́, a ta da laa nu ta ɓa a yələ ta; nwɔ liiholi hvóló hu!

Izikiɛ 32:7

Ə́ lən a luwun ə kpɛɛ ɉu, ŋą́ yələ kɔ́lɔn mɛ̨i kpulu, gɛ́ pɛmɛ̨lɛ̨n-gɔwɠaa hu kpinį; gɛ́ hvóló mɛ̨i kpulu a tulɔ kpinįn, ɛlɛɛ, ɲąnin və pai kɛa hvólói.

Izikiɛ 34:12

Bələi lɔ taatɛlɛɛ mɛ̨i kaamun a taatɛlɛɛɠaa mąą mɛ̨nį ɲɛ̨i kulɔ la, bələi a kɛ la taatɛlɛɛ kpului daa ɉu taɠa, di lɔwai, bələ lɔ ɓə gáá pai nwɔ́ taatɛlɛɛ kpului mąą mɛ̨nį ɲɛ̨i kulɔi la, gɛɛnąąɠaai kpɔ di di hu taɠa taɠa laa a kwɛlɛ yələ, gáá pai di kulɔi naa kəlee.

Izikiɛ 38:9

Ə kaa pai lii, yɛ́ pənə yɛ́ pa, a ə́ hvąŋą kɛnɛ̨; ə́ kaa pai kɛi yɛ tulɔ kpinįn, a pɛlɛ lɔi mɛ̨i; yɛ́ ka ə́ wɔ kɔ́kuláá kpuluɠaai kəlee, ka nu huwu tamąąi tii pai kɛi ə́ pulu.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Zooɛ 1:6

Hvo gaai, peeləɠaa di wɔ kɔlaɠa aa muhəɠə, yɛ pa pɛlɛi nwɔ́ lɔi ɓa, vaŋą kɛnɛ̨, lonon vo mą. Ɲin gaa na yɛ yala hilɛ, naa kwɛlɛ ɲin yɛ ɓo yɛ yala haa.

Zooɛ 2:25

Yai-Laa woo ka, yɛ diɛ: Gwəlanŋąa kpɔ, gbəligbiɛɠaa da peeləɠaa, ɉaiɠąa da hviliɠaa, diɛi a nwɔ́ kɔlaɠai diɛ ŋį́ ɲąątɔɔ kaa, diɛ kɛɛ kala la kaa; Ŋą́ gəlee pɔɔi kulɔ ɉu.

Zooɛ 2:5

Da lɛɛ yee hu, di too dakpɛli hu; di tin ə ɓo yɛ kɔ́ kɔ́ wotoloɠaa, yɛ nwɔ̨n nən aa kɛi pola kɛ́ɛ́ kpalaa hu. Yɛ nwɔ̨n a kɛi kala kpala mįi, diɛ pa yɛ kɔlaɠa hvaŋą kɛnɛ̨; di tɔɔ pələ pɛliɛ ɉu gɔ́ ɓa.

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Amɔsə 4:13

Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Sofoni 1:7

'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Zakari 14:6

Mąą yələ, kɛɛpono hɛn hva kɛ laa, kwɛ́lɛ́ hva pa, luwuluwu hva pu.

Maafîu 24:21

Mąąhɔlɔɓo, mɛ̨nį nwąnąą kpɛa-kpɛaɠaa da kɛ a volói tii, yii ɲɔ̨nwɔ̨man hvo ta kɛ li ə həɠə yɛnɛ̨ɛ̨ kɔ́wɔ tɔɔi lɔwai ɓa, ə həli la ma yələi tii ɓa. Ɛlɛɛ da hvo nwɔ̨nɔ̨ pai kɛi kɛa yili pulu.

Markə 13:19

Ə həɠə yɛnɛ̨ɛ̨ pɛli hvóló ɓa ə həli la volói tii ɓa, nuą da mɔ̨nɔ̨ mį́i a nɔwai tii, yii ɲɔ̨nwɔ̨mą hvo ta kɛ li, əlɛɛ, ɲɔ̨nwɔ̨mą hvo pai kɛa kɛi.

Dutɛrɔnome 32:7

Ə́ kiliŋąhiɛ tɔwɔ-tɔwɔ hvólóɠaa hu, Gwɛlanŋąąi daa tɛɛ, ə́ kiliŋąhiɛ diɛ! Ə həɠə kpɔ tɔwɔtɔwɔ yələ ɓa, ə́ nąnni mąąnikɛ, da nɛ yɛ́. Ka wɔ kalanɉonŋąąi mąąnikɛ, da ɉukulɔ yɛ́.

Hebreu 12:18

Ká hvo ká mąąlɛɠɛ li hɛn da ɓa, yii nu yá ə́ yee tunwɔ̨n mą, yɛ bələi: Nwɔ̨n nən, kɛɛkpinįɛ, kpinį, túlɔ́-hvaŋą,

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

M̀ɛni-lɛɛi 9:2

Ə nowa kpon gweaa laa ɓo, ɛlɛɛ, lulu ta yɛ kulɔ laa, yɛ hulun gɛnɛ̨ ta hu lulu. Ə́ vóló hu tɛɠi, ɛlɛɛ da hvaŋą.