Zôo 5:13 - Yálá laawoo hɛɓɛ (dc)

¹³ Ya ɓə a kilimąą nuą too diɛ kpinįi di wɔ gbáná ɓaaləi ŋą, a kpəɲan yiliɠaai di wɔ liɛwoo tɔwɔ.

Sien die hoofstuk Kopieer

Yálá laawoo hɛɓɛ

¹³ Ya ɓə a kilimąą nuą too diɛ kpinįi di wɔ gbáná ɓaaləi ŋą, a kpəɲan yiliɠaai di wɔ liɛwoo tɔwɔ.

Sien die hoofstuk Kopieer

Bible

¹³ A ŋ̀ôya-ƃelai sòŋ a díkpɔɔi woya-tarei. Ɣâla a núu-pɛlɛ-ƃela díwôya mɛni kpɛtɛɛ-ŋai su kàra a maa félaa.

Sien die hoofstuk Kopieer

« Vorige

gaan terug op ⬆

Samia Veerɛi 15:31

Di pa diɛ Davidə ɓa: «Ahitofɛlə kaa nɔgili kɛ nuą pɔ, da Absalɔn ni ɓə di tɔɔ.» Davidə ə Yálá hvɛli yɛ mą: «Gáá ə́ hvɛlii Yai-Laa, gɛ ə́ Ahitofɛlə kili ŋąą pɛlɛ hvo kilimąą woo ɓo.»

Sien die hoofstuk

Kɛlaa ya pənə ya li taai yɛ kɛ Absalɔn ɓa: ‹Tɔɔmun gáá kɛi a yɛ́ tímun. Ɉu hvo kwɛa li ŋą́ kɛ a ə́ nąn nwɔ́ tímun. Yii laa hu, gáá a yɛ́ tímun.› Ya yili kɛ tii ya pɛli mą Ahitofɛlə nwɔ liɛwooɠaa maapənə yɛ́ ɲɛ̨i lɛlɛɛ hee bɔ́ pələ.

Sien die hoofstuk

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Sien die hoofstuk

Zôo 15:5

Ə́ wɔ túwɔ́ pələ ɲɔ̨n gaa kulɔi ə́ la, yɛ́ hvaa a gbąną nuą hvaa pələ.

Sien die hoofstuk

Zôo 37:24

Yili mąą mɛ̨nį ɓə nu kanŋaa da ɲɔw la ma, Kɛlaa nwɛi, nuąi da di kpɔɔ kɛ a mɛ̨nį kɔ́lɔn nuą hva yili ta ɓo.

Sien die hoofstuk

Mąątɛ̨nɛ̨ 18:26

Nui dəlimoɔ, yá tələnmolaa kɛ la, nui gwəi kwəlɛɛ, yá ə kwəi kwələ mą,

Sien die hoofstuk

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Sien die hoofstuk

Hanwon 3:32

Mąąhɔlɔɓo, túwɔ́ pələ ɲɔ̨n gɛmun nwɛli hvo Yai-Laa ɓa, Kɛlaa, nu haŋąąɠaa wɛli kaa mą.

Sien die hoofstuk

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Sien die hoofstuk

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Sien die hoofstuk

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Sien die hoofstuk

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Sien die hoofstuk

Ɉeremi 8:8

Ka tɔɔi ɓaa mį, kaa kɛ diɛ: mɛ̨nį kɔ́lɔn gili kaa ku yəi, mąąhɔlɔɓo, Yai-Laa nwɔ tɔ́n kaa ku yəi? Ya pa, ka dɔ́n ɉɛɓɛ́ mąą pənə a lɛɛ woo; dɔ́n ɉɛɓɛ́ kɛ nuą di wɔ kpɔn kɛ mɛ̨nį li.

Sien die hoofstuk

Ɉeremi 8:9

Gilimąą nuą tii daa nwumɛ̨, di ɲɛ̨i aa paa, daa kɔ́ a hɛlɛn di kɛi tɛɠɛ ɓo Yai-Laa woo hu. Da pɛli di kpɔɔ kaai ləi a mɛ̨nį kɔ́lɔn nuą?

Sien die hoofstuk

Ɉeremi 9:22

Yai-Laa yɛ diɛ: Kilimąą mun və gbɔwɔ ɲąąkɛnɛ. Nwɔ kili mɛ̨nį hu. Huwalawala mun hvo gbɔwɔ ɲąą kɛnɛ̨, nwɔ huwalawala laa hu. Hɛn Nąmu hvo gbɔwɔ ɲąą kɛnɛ̨, nwɔ hɛn gɔw mɛ̨nį hu.

Sien die hoofstuk